මහජන ලිඛිත පැමිණිලි සඳහා මෝටර් රථ ප්‍රවාහන දෙපාර්තමේන්තුව විසින් WhatsApp අංකයක් හඳුන්වා දී තිබේ. මෝටර් රථ ප්‍රවාහන දෙපාර්තමේන්තුව ජනතාව වෙත සපයන සේවා තවදුරටත් කාර්යක්ෂම කිරීමට ව්‍යාපෘති රැසක් නව රජය යටතේ මේ වන විටත් ක්‍රියාත්මක කරමින් ඇත.
ඒ අතරින් සේවාලාභීන්ගේ ලිඛිත පැමිණිලි පමණක් කඩිනමින් ලබා ගැනීමට නව WhatsApp අංකය හඳුන්වා දී තිබේ.
මෝටර් රථ ප්‍රවාහන දෙපාර්තමේන්තුවේ කොමසාරිස් ජනරාල් වෙත හෝ දෙපාර්තමේන්තුව වෙත ඉදිරිපත් කිරීමට ඇති අභියාචනා හෝ පැමිණිලි ලිඛිතව 0714033300 WhatsApp අංකයට යොමු කිරීමට මෙයින් සේවාලාභීන්ට හැකි වෙයි.
0714033300 WhatsApp අංකය වෙත මහජනතාව විසින් ලිඛිතව යොමු කරන පැමිණිලිවලට කඩිනමින් අවශ්‍ය පියවර ගැනීමට විධිවිධාන රැසක් මේ වන විටත් සලසා ඇති බව ද මෝටර් රථ ප්‍රවාහන කොමසාරිස් ජනරාල් නිශාන්ත අනුරුද්ධ වීරසිංහ මහතා පැවසීය.
නව TELL DMT facebook පිටුව හරහා ද මෝටර් රථ ප්‍රවාහන දෙපාර්තමේන්තුව හා සම්බන්ධ වීමට සේවාලාභීන්ට තවත් අවස්ථාවක් සලසා ඇති බව ද ඒ මහතා වැඩිදුරටත් සඳහන් කළේය.
