නැඟෙනහිර පළාත් රාජ්‍ය සේවයේ උපාධිධාරී ගුරුවරුන් බඳවා ගැනීමේදී සිදුවී ඇතැයි කියන ගැටලු සම්බන්ධයෙන් එම උපාධිධාරීන්ට අභියාචනා යොමු කිරීම සඳහා අභියාචනා කමිටුවක් පත් කිරීමට ආණ්ඩුකාර මහාචාර්ය ජයන්තලාල් රත්නසේකර මහතා පෙරේදා (27) පියවර ගනු ලැබීය. 2024 අගෝස්තු මාසයේ පැවති නැඟෙනහිර පළාත් ගුරු විභාගයෙන් සුදුසුකම් ලැබූ පිරිස් සම්මුඛ පරීක්ෂණ සඳහා බඳවා ගැනීමේදී පත්වීම් අවස්ථා නොලද උපාධිධාරීන් පිරිසක් හමුවී සිදු කළ සාකච්ඡාවකින් අනතුරුව ආණ්ඩුකාරවරයා මෙම තීරණයට එළඹ තිබේ.
මේ අනුව නැඟෙනහිර පළාත් රාජ්‍ය සේවා කොමිෂන් සභාවේ ලේකම් ලියකත් අලි, පළාත් අධ්‍යාපන අමාත්‍යාංශ ලේකම් කේ. ගුණනාදන් හා පළාත් අධ්‍යාපන අධ්‍යක්ෂිකා එස්.ආර්. හසන්තී යන මහත්ම මහත්මීන් මෙම ත්‍රිපුද්ගල අභියාචනා කමිටුවට පත්කිරීමට ආණ්ඩුකාරවරයා එම අවස්ථාවේදීම පියවර ගනු ලැබීය.
ත්‍රිකුණාමලය විශේෂ – ඒ.ටී.එම්. ගුණානන්ද අමරජීව
