දකුණු පළාත් ගුරු සේවය සඳහා බලවත් අඩුවක්ව පැවැති ඉංග්‍රීසි ගරු හිඟයට පිළියමක් ලෙසට ඉංග්‍රීසි ගුරුවරුන් 325 දෙනෙකු බඳවා ගැනීමේ පත්වීම් ලිපි ගාල්ල නගර ශාලාවේදී ඉකුත් 26 වැනිදා එම පත්වීම්ලාභීන්ට ලබා දෙනු ලැබිණ. පසුගිය වසරේ පැවති උපාධිධාරී සහ උසස් ඩිප්ලෝමාධාරින් ගුරු සේවයට බඳවා ගැනීමේ තරග විභාගයෙන් සමත් වූවන් මෙසේ ගුරු සේවය වෙත බඳවා ගැනීම සිදුවිය. එහිදී මෙම ඉංග්‍රීසි මාධ්‍ය ගුරුවරුන් 325 දෙනාට අමතරව තවත් විවිධ විෂයන් යටතේ තවත් ගුරුවරුන් 62කට පත්වීම් ලිපි ලබා දෙනු ලැබිණ. මෙම අවස්ථාව සඳහා දකුණු පළාත් ආණ්ඩුකාර බන්දුල හරිස්චන්ද්‍ර, නියෝජ්‍ය අමාත්‍ය නලින් හේවගේ, පාර්ලිමේන්තු මන්ත්‍රීවරුන් වන ලාල් ප්‍රේමරත්න සහ නිහාල් ගලප්පත්ති යන මහත්වරුන් එක්ව සිටියහ. දකුණු පළාත් අධ්‍යාපන අමාත්‍යාංශය විසින් මෙම වැඩසටහන සංවිධානය කර තිබිණි.
ගාල්ල දිසා සමූහනන්දසිරි වැලිගමගේ ගාල්ල උතුර සමූහ දික්වැල්ලේ තිලකරත්න දකුණු පළාත් සමූහ එස්. දීයගහගේ
