61
යාපනයේ පුතූර් කලමති ආලඩි මුරුගන් කෝවිලේ වාර්ෂික මංගල්ලයේදී පූජාවට තැබූ අඹ ගෙඩියක් රුපියල් දෙලක්ෂ හතළිස් හය දහසකට පෙරේදා (27) වෙන්දේසී වී තිබේ.
උතුරේ කොවිල්වල අඹ මංගල්ලය සමයේ දී දෙවිවරුන්ට පූජා කරන අඹ ගෙඩිය පසුව වෙන්දේසියේ දී අලෙවි කරනු ලබයි.
දෙවියන්ට කැප කළ එම අඹ ගෙඩිය තම නිවසට රැගෙන ගොස් සුදු රෙදි කඩක බැඳ එල්ලා තැබීමෙන් නිවසට සිරිකත පැමිණීමට හේතුවක් වන බවට හින්දු බැතිමතුන් තුළ ඇති විශ්වාසය නිසා පූජාවට තබනු ලබන අඹ ගෙඩිය වෙන්දේසියේ දී මිලට ගැනීමට විශාල උනන්දුවක් පවතී.
කෝවිලේ පැවැති වෙන්දේසියේ දී අඹ ගෙඩිය මිලට ගෙන ඇත්තේ ජර්මනියේ සිට නිවාඩුවකට යාපනයට පැමිණ සිටින ධනවත් පවුලක් විසිනි.
උතුරු පළාත් විශේෂ – රසුල දිල්හාර ගමගේ
