23
මගී ආරක්ෂාවට ගැළපෙන පරිදි දුම්රිය ස්ථානවල සනීපාරක්ෂක කටයුතු වැඩිදියුණු කිරීමේ ව්‍යාපෘතියක් දුම්රිය දෙපාර්තමේන්තුවෙන් ක්‍රියාත්මක කර තිබේ. ඒ අනුව කොටුව සහ මරදාන දුම්රිය ස්ථානවල තිබෙන කාන්තා විවේකාගාරවල සනීපාරක්ෂක කටයුතු වැඩිදියුණු කර ජනතාවට නුදුරේදීම ලබාදීමට පියවර ගන්නා බව දුම්රිය දෙපාර්තමේන්තුව පවසයි. රජයේ උපදෙස් මත නවීකරණය කෙරෙන කාන්තා විවේකාගාරවල අංගසම්පූර්ණ සනීපාරක්ෂක කටයුතුවලින් සමන්විත වන අතර, කුඩා දරුවන් සඳහා ද පහසුකම් සපයා තිබේ.
ප්‍රථම අදියර යටතේ කොටුව හා මරදාන දුම්රිය ස්ථානවල කාන්තා විවේකාගාර නවීකරණය කිරීමෙන් අනතුරුව ඉදිරියේදී පිරිමි විවේකාගාර නවිකරණය කිරීමට ද, අනික් දුම්රිය ස්ථානවලද විවේකාගාර මේ අයුරින් නවීකරණ කිරීමට කටයුතු කරන බවද දුම්රිය දෙපාර්තමේන්තුව වැඩිදුරටත් පැවැසීය.
නිමල් රාජපක්ෂ
