23
රටේ විවිධ ප්‍රදේශවලට බලපා තිබූ ගංවතුර ආපදා තත්ත්වය හේතුවෙන් පසුගිය 2024 වසරේ දී සිසුන් 515,306 දෙනකුගේ අධ්‍යාපනයට බාධා එල්ල වී ඇතැයි යුනිසෙෆ් ශ්‍රී ලංකා සංවිධානය පවසයි.
ඉදිරියේදී මෙවැනි ආපදා තත්ත්වයන් හේතුවෙන් දරුවන්ගේ අධ්‍යාපන කටයුතු අඩාළ නොවී පවත්වාගෙන යාමට අධ්‍යාපන අමාත්‍යාංශයට සහාය දීමට යුනිසෙෆ් ශ්‍රී ලංකා සංවිධානය බලාපොරොත්තු වෙයි.
එහි ප්‍රකාශකයකු පැවසුවේ අධ්‍යාපනය අයිතිවාසිකමක් වන අතර එය දේශගුණික විපර්යාසවල ගොදුරු බවට පත් නොවිය යුතු බවයි.
අධ්‍යාපන අමාත්‍යාංශය සහ අනෙකුත් හවුල්කරුවන් සමඟ තම සංවිධානය මේ සම්බන්ධයෙන් ඉදිරියේ දී සමීපව කටයුතු කරන බවත් හෙතෙම කීවේය.
දුලක්ෂී උඩගෙදර
