29
මහ කන්නයට අදාළව වී මිල දී ගැනීමේ රජයේ වැඩපිළිවෙළට සමගාමීව මාතර දිස්ත්‍රික්කයේ වී මිල දී ගැනීමේ කටයුතු සඳහා මාතර – මැද්දවත්ත වී ගබඩාව සූදානම් කිරීම මේ දිනවල සිදු කෙරෙමින් පවතියි.
වල්බිහි වී ඇති මෙම වී ගබඩා භූමිය ශ්‍රී ලංකා යුද හමුදාවේ මැදිහත්වීමෙන් ශුද්ධ පවිත්‍ර කිරීම සිදු කරනු ලබන අතර එම වැඩපිළිවෙලළ පිළිබඳව සොයා බැලීම සඳහා මාතර දිස්ත්‍රික් ලේකම් ගනේෂ අමරසිංහ මහතා ඉකුත් 21 වැනි දින නිරීක්ෂණ චාරිකාවක නිරතවිය. වී මෙට්‍රික් ටොන් 1000ක් එකවර ගබඩා කිරීමේ පහසුකම් මෙම වී ගබඩාව සතුව පවතියි. මාතර දිස්ත්‍රික්කයේ වී අස්වැන්න නෙළීමේ කටයුතු ආරම්භ කිරීමත් සමඟ වී මිල දී ගැනීම ද සිදු කිරීමට නියමිතය.
මේ අවස්ථාවට වී අලෙවි මණ්ඩලයේ මාතර දිස්ත්‍රික් කළමනාකාර සුනිල් ඕබඩආරච්චි මහතා ද එක්වීය.
