Home » නාගර්කෝවිල් ප්‍රදේශයේ නිවෙසක් ගිනිගෙන විනාශයි

නාගර්කෝවිල් ප්‍රදේශයේ නිවෙසක් ගිනිගෙන විනාශයි

ගිනි තබන්නට ඇති බවට හිමිකරුගෙන් පැමිණිල්ලක්

by mahesh
January 24, 2025 1:00 am 0 comment

උතුරු පළාත් විශේෂ රසුල දිල්හාර ගමගේ

මහවැසි මැද යාපනයේ වඩමාරච්චි නැ‍ඟෙනහිර නාගර්කෝවිල් ප්‍රදේශයේ නිවෙසකට පෙරේදා (22) අලුයම ගිනි ඇවිළී විනාශ වී ගොස් තිබේ.

නිවසේ අයිතිකරු මරදන්කේනි පොලීසියට ප්‍රකාශකොට ඇත්තේ කිසියම් තරහකරුවකු විසින් ඔහුගේ නිවෙසට ගිනි තබන්නට ඇති බවයි.

මහවැසි මැද නිවස සම්පූර්ණයෙන්ම ඇවිළී අඟුරු බවට පත් වන තෙක් ගින්න පැතිරී ඇති නිසා පොලීසිය විශ්වාස කරන්නේද කිසියම් අයකු විසින් යම් දහන පෝෂක ද්‍රව්‍යයක් යොදා නිවෙසට ගිනි තබන්නට ඇති බවයි.

නිවෙස ගිනි ගන්නා විට එහි කිසිවෙකුත් සිට නොමැති අතර, නිවෙසේ තිබූ සියලුම බඩුබාහිරාදිය ගින්නට හසු වී පිලිස්සී ගොස් තිබේ.

මරදන්කේණී පොලීසිය මෙම ගින්න සම්බන්ධයෙන් පරීක්ෂණ පවත්වාගෙන යයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT