සහල් මෙට්‍රික් ටොන් මිලියනයක් සඟවා තැබීමට මෙරට ගබඩා පහසුකම් නැති බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන ඇමැති වසන්ත සමරසිංහ මහතා පාර්ලිමේන්තුවේ දී ඊයේ(23) ඇපැවසීය.
වැඩිදුරටත් අදහස් දැක්වූ ඇමැති වසන්ත සමරසිංහ මහතා මෙසේද පැවසිය.
මුදල් කාරක සභාවේදී නිලධාරියකු කිව්වාලු සහල් මෙට්‍රික් ටොන් මිලියනයක් හංගලා තියෙනවා කියලා. රජය සතු ගබඩා තියෙනවා මෙට්‍රික් ටොන් ලක්ෂ 05ක් දාන්න පුළුවන් එවා. ඒවාගෙන් ලක්ෂ 03යි දාන්න පුළුවන්. අනිත් ඒවා අබලන්. පෞද්ගලික අංශයේ මහ මෝල් හිමියන් සතුව තිබෙන සියලුම ගබඩාවල එකතුව තියෙන්නේ ලක්ෂ 04ට අඩුවෙන්. රජය සතු ගබඩා සහ පෞද්ගලික අංශයේ ගබඩා ගත්තම ලක්ෂ 07යි තියෙන්නේ. අවුරුද්දේ කන්න දෙකයි. සහල් එන්නේ මෙට්‍රික් ටොන් 2.9යි. මාස 12ක් තිස්සේ කොට කොට තමයි සහල් බවට පත් කරන්නේ. මේ නිලධාරියා පිළිබඳ වෙනම පරීක්ෂණයක් පවත්වන්න වෙනවා බොරු කියන එක පිළිබඳව. මොකද ඇත්ත ප්‍රශ්නයක් රට තුළ තිබෙනවා.
