ජයප්‍රකාශ් සිවගුරුනාදන්ගේ ‘කාසි වාසි’ චිත්‍රපටය දැන් දිවයින පුරා තිරගත කෙරේ. සරත් කොතලාවල, ගිරිරාජ් කෞෂල්‍ය, රොඩ්නි වර්ණකුල, ප්‍රියන්ත සෙනෙවිරත්න, ගිහාන් ප්‍රනාන්දු, සම්පත් ජයවීර, සංගීත් ප්‍රභූ, ලක්ෂ්මී දමයන්ති, අමන්ද්‍යා උත්පලී, නිරෝෂා තලගල ආදිහු එහි රඟති. ප්‍රධාන සහාය අධ්‍යක්ෂණයෙන් ජයන්ත අබේරත්න, අංග රචනයෙන් වාසනා බණ්ඩාර විජේකෝන්, කැමරාකරණයෙන් තුසිත අනුරාධ, ප්‍රභාත් දර්ශන, කලා අධ්‍යක්ෂණයෙන් මනෝජ් වික්‍රමසිංහ, සංස්කරණයෙන් අජිත් රාමනායක, නිෂ්පාදන කළමනාකරණයෙන් ධම්මික ගුණසේන, වර්ණ සංකලනයෙන් ආනන්ද බණ්ඩාර එක්වන කාසි වාසි, අනුරාධ බී රැකව, ශ්‍රී ලාල් වික්‍රමගේ නිෂ්පාදනයකි.
නුවන් මහේෂ්
ටෙලිනිසට මුල්ගල්
ටෙලි නිර්මාණවේදීන්ගේ සංසදය ආරම්භ කර වසර තිස් දෙකක් වන අතර මේ කාලය තුළදී එම සංවිධානය මඟින් ටෙලි නාට්‍ය ක්ෂේත්‍රයේ ප්‍රවර්ධනය උදෙසා විශාල කාර්යභාරයක් සිදුකොට ඇත. මේ සංවිධානයට අඩුවක්ව ඇත්තේ කාර්යාලයක්, ආධුනිකයන් සඳහා වූ පාඨමාලාවන් වෙනුවෙන් හා ටෙලි නාට්‍ය ක්ෂේත්‍රයේ කලාකරුවන්ට එක්විය හැකි ස්ථානයකි. මේ ගොඩනැඟීම වෙනුවෙන් මෙම මස 30 වැනි දින මුල්ගල් තැබීමට සියලු කටයුතු දැන් සූදානම් කර ඇත. මෙහි වර්තමාන සභාපති චන්දන ලියන ගුණවර්ධන ඇතුළු සියලු කමිටු සාමාජිකයන් මෙම කටයුත්ත සිදු කිරිමට නියමිතය. චන්දන ලියන ගුණවර්ධන සභාපතිත්වය දරන මෙම සංසදයේ සුනිල් කොස්තා, මාක් ප්‍රනාන්දු, නීතිඥ ඩග්ලස් සිරිවර්ධන, පරාක්‍රම නිරිඇල්ල, සුරේෂ් අබේසේකර, රේණුකා බාලසූරිය, දිලූපා නිරෝෂණී, චන්දන සමරසේකර, රාජා රණසිංහ, කිත්සිරි හේවාගමගේ, චන්දන බෝගමුව, ඇතුළු මහත්ම මහත්මීන් රැසක් කමිටු සාමාජිකත්වය දරන අතර රවීන්ද්‍ර ගුරුගේ අරුණ ජයවර්ධන, නිව්ටන් විදානපතිරණ, වසත් චන්ද්‍රසිරි, සඳුන් බණ්ඩාර, අරුණ ප්‍රේමරත්න, චන්දුල හඳුගොඩ, ප්‍රසන්න ඉත්තෑපාන, චාමර සමරවික්‍රම සහ චින්තක කුලතුංග විධායක සභිකයෝ වශයෙන් කටයුතු කරති.
ඉන්දීවරී පෙරේරා
නෙල්සන් with Reggae පළමු ප්‍රසංගය 02දා
ප්‍රවීණ ගායන ශිල්පී නිහාල් නෙල්සන්ගේ පුත් තරංග නෙල්සන් නායකත්වය දරනු ලබන තරංග නෙල්සන් with රේ සංගීත කණ්ඩායම විසින් පවත්වනු ලබන පළමු එළිමහන් ප්‍රසංගය පෙබරවාරි මස 02දා සවස වෙන්නප්පුව කඩවත වෙරළ තීරයේදී පැවැත්වේ. මීට තරංග නෙල්සන්, අමිලා නදීෂානි, සුනේත් උදයරත්න, ගාමිණී පෙරේරා, ප්‍රමුඛ ගායක ගායිකාවන් රැසක් ගී ගයති. මේ ප්‍රසංගය නොමිලේ පැවැත්වෙන අතර මෙම සංගීත කණ්ඩායම විසින් ඉදිරියේදී දිවයින පුරා සංගීත ප්‍රසංග ගණනාවක් පැවැත්වීමට නියමිතය. අචල තිවංක, චාමික මදුශාන්, අවිශ්ක දුලංජන, යොහාන් සුලක්ෂන, රනිදු අනුපම, ජයරංග රැක්ෂාන්, සදීප ධනන්ජය, නිමේෂ් නදීශාන්, කවිදු සචින්ත, සංගීත කණ්ඩායමේ සාමාජිකයෝය. මෙහි කළමනාකරු ලෙස ලක් සෝලා අධිපති ගාමිණි මහතා කටයුතු කරන අතර ප්‍රසංග සම්බන්ධීකරණය ප්‍රවීණ මාධ්‍යවේදී උපුල් නිශාන්ත විසිනි.
‘අයිස් ක්‍රීම්’ පූර්ව ප්‍රචාරක පටය එළිදකී
චිත්‍රපට හා ටෙලිනාට්‍ය රංගන ශිල්පී ප්‍රදීප් ධර්මදාස විසින් අධ්‍යක්ෂණය කළ ප්‍රථම සිනමා වෘත්තාන්තය Òඅයිස් ක්‍රීම් Ò චිත්‍රපටයේ පූර්ව ප්‍රචාරක පටය සහ ගීත එළිදැක්වීම පසුගියදා චිත්‍රපටයේ රංගන හා කාර්මික ශිල්පීන්, මාධ්‍යවේදීන් සහ විශේෂ ආරාධිතයින් විශාල පිරිසක් ඉදිරියේදී සිදුවිය. කල්පාන්විත ලෝකයත් යථාර්ථයත් අතර අතරමං වූ , රැකියා විරහිත පැල්පත්වාසි සෙල්ලක්කාර තරුණයකුගේ ජීවන චර්යාවන් සහ ඔහුගේ මනසේ විචිත්‍රවත් වන විවිධ චරිත පිළිබඳව දිගහැරෙන, නුදුරේදීම තිරගත වීමට නියමිත Òඅයිස් ක්‍රීම්Ó චිත්‍රපටයේ, හේමාල් රණසිංහ, බිමල් ජයකොඩි, රොෂාන් රණවන, අයිශාරා අතුකෝරාළ, සරත් කොතලාවල, ජයලත් මනෝරත්න, දමිතා අබේරත්න, රුක්මල් නිරෝෂ්, වීණා ජයකොඩි, මධුශාන් නානායක්කාර, චින්තක වාස්, ආනන්ද කුමාර, කෝරළගේ සමන්, අංජන, දයා තෙන්නකෝන්, ප්‍රේමරත්න, චමිලා පීරීස් ඇතුළු රංගන ශිල්පීන් රැසක් දායකව ඇත. කලණ ගුණසේකරගේ තිර රචනයකි. කැමරා අධ්‍යක්ෂණයෙන් චින්තක සෝමකීර්ති, සංස්කරණයෙන් රුක්මල් නිරෝෂ්, සහාය අධ්‍යක්ෂණයෙන් චාමර සේලාර, අංග රචනයෙන් නාරද ධනංජි තොටගමුව, කලා අධ්‍යක්ෂණයෙන් රුවන් මලිත් පීරීස්, වර්ණ සංයෝජනයෙන් දිනිඳු ජාගොඩ, සංගීත අධ්‍යක්ෂණයෙන් කසුන් කල්හාර, ගීත රචනයෙන් මංජුල වෙඩිවර්ධන, ගීත ගායනයෙන් කසුන් කල්හාර , කුෂාණි සඳරේඛා සහ ශේන් සිං ඇතුළු පිරිසක් දායකව ඇති Òඅයිස් ක්‍රීම්Ó කෝකිලා විතානගේ සහ දුමින්ද පියරත්නගේ නිෂ්පාදනයකි. මෙය නුදුරේම තිරගත කෙරේ.
ඇන්ටන් ජේ. ප්‍රනාන්දු
‘හේමලයෝ’ සතියේ සෑම දිනකම ජාතික රූපවාහිනියෙන්
අරුණ අබේරත්න අධ්‍යක්ෂණය කළ ‘හේමලයෝ’ ටෙලි නාට්‍යය පසුගිය 14දා සඳුදා සිට සතියේ සෑම දිනකම රාත්‍රී 7.30ට ජාතික රූපවාහිනියෙන් විකාශය කෙරේ.
සමාජ හිරු එළියෙන් ප්‍රතිබිම්බනය කළ මානවයෝ මෙහි තේමාවයි. සමනලී ෆොන්සේකා, දසුන් පතිරණ, ප්‍රියන්ත සිරිකුමාර, සංජීව උපේන්ද්‍ර, ජගත් බෙනරගම යන ශිල්පීන් රැසක් මෙහි රංගනයෙන් දායක වෙති. තිර රචනය ලාල් වසන්ත ගෙනි.
අමිගෝ මුහුරත් උලෙළ
සංදේශ බණ්ඩාරගේ කුලුඳුල් සිනමා අධ්‍යක්ෂණය වන අමිගෝ සිනමාපටයේ මුහුරත් උලෙළ පසුගිය දින ජාතික චිත්‍රපට සංස්ථාවේ ජෝ අබේවික්‍රම කේන්ද්‍රයේදී කාන්තා, ළමා කටයුතු හා සමාජ සවිබල ගැන්වීමේ අමාත්‍ය සරෝජා පෝල්රාජ් මහත්මියගේ ප්‍රධානත්වයෙන් පැවැත්විණි. මේ උලෙළ සඳහා සිනමා පටයට දායක වන රංගන ශිල්පීන් ඇතුළු විශේෂ ආරාධිතයෝ රැසක් ද සහභාගී වූහ.
රොෂාන් පිලපිටිය, කිෂූ ගෝමස්, තත්සරණී පියුමිකා, අශාන් ධනංජය, දේවින්ද වික්‍රමසිංහ, අශාන් සිරිවර්ධන, රොහාන් විජේතුංග, සාරද චමින්ද, දිල්හාරා ජයසිංහ ඇතුළු නළු නිළියෝ රැසක් මීට රංගනයෙන් එක්වෙති. සංගීත අධ්‍යක්ෂණය හති තියාර්, කලා අධ්‍යක්ෂණය අෂාන් දිනුක, අංග රචනය ගාමිණී කොස්වත්ත, සංස්කරණය මදුවන්ත ජයකොන්, ශබ්ද සංකලනය යසිත වික්‍රමරත්න, නිෂ්පාදන කළමනාකරණය චමිල සම්පත්, නිශ්චල ඡායාරූප පසිංදු චමෝද් ගෙනි.
