21
ටෙන්ඩර් පටිපාටියකින් තොරව ගව ඝාතකාගාරයක් පවත්වාගෙන යෑමට බලපත්‍ර ලබාදීම පිණිස ව්‍යාපාරිකයන් දෙදෙනකුගෙන් රුපියල් ලක්ෂ 15ක මුදලක් ලබා ගත් බව කියන හිමිනමක පානදුර උතුර පොලීසිය විසින් අත්අඩංගුවට ගැනිණ.
මෙසේ අත්අඩංගුවට ගෙන ඇත්තේ පානදුර ප්‍රදේශයේ පුරාණ විහාරස්ථානයක වැඩවසන 30 හැවිරිදි හිමිනමක බව පොලීසිය සඳහන් කළේය. පානදුර, තොටවත්ත සහ පල්ලිමුල්ල ප්‍රදේශයේ ව්‍යාපාරිකයන් දෙදෙනකු විසින් සැකකාර හිමිනම රුපියල් ලක්ෂ 10ක් සහ ලක්ෂ 5ක් බගින් ලබා ගත් බවට කළ පැමිණිලි මත සැකකාර හිමි නම පොලීසියට කැඳවා ප්‍රකාශ ලබා ගැනීමෙන් අනතුරුව අත්අඩංගුවට ගෙන ඇත. සැකකාර හිමිනම පානදුර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.
පානදුර උතුර පොලීසිය වැඩිදුරටත් පරීක්ෂණ පවත්වයි.
