පාස්කු ඉරුදින එල්ල වූ ත්‍රස්ත ප්‍රහාරය සිහි කරමින් නොසිට වින්දිත ජනතාව වෙනුවෙන් ඇත්ත හෙළි කිරීම කඩිනම් කරන්නැයි මරදාන සමාජීය හා සාමයික කේන්ද්‍රයේ විධායක අධ්‍යක්ෂ රොහාන් සිල්වා පියතුමා පැවසීය.පාස්කු දින ප්‍රහාරයට මාස 69ක් සම්පූර්ණ වීම නිමිත්තෙන් පාස්කු යුක්ති සටනේ ජනතා සාමූහිකයන් විසින් මරදාන සමාජීය හා සාමයික කේන්ද්‍ර ශ්‍රවණාගාරයේදී පෙරේදා (21) පැවැත් වූ මාධ්‍ය හමුවේදී උන්වහන්සේ මේ බව කීහ.
අසාධාරණයන් දිගින් දිගටම සිහිපත් නොකොට සිදුවූ අයුක්තිසහගත සිදුවීමට යුක්තිය ඉටුකරමින් පාස්කු දින ප්‍රහාරය පිළිබඳ මහජනතාව දැනුම්වත් කරන්නැයි ඉල්ලා සිටින බවද උන්වහන්සේ මෙහිදී පැවසූහ. Òජාති, ආගම් භේද නොසලකා සිදු වූ මේ චිරස්ථීන ප්‍රහාරය අපරාධයක් ලෙස ලඝු කළ යුතු නැහැ. කතෝලික ජනතාව පමණක් නොව, මේ රටේ සෑම මනුස්සයෙක්ම යුක්තිය අපේක්ෂාවෙන් අවධානයෙන් සිටිනවා. පාස්කු දින ප්‍රහාරය පමණක් නොව, මෙරට සිදු වූ අයුක්ති, අසාධාරණකම් සියල්ලම වෙනුවෙන් හඬක් නැඟිය යුතුයිÓ යැයිද උන්වහන්සේ මෙහිදී කීහ.
රජය විසින් පාස්කු දින ප්‍රහාරය පිළිබඳ විශේෂ පර්යේෂණ ආයතනයක් ස්ථාපිත කර එය නීතිගත කිරීම වඩාත් සුදුසු යැයිද පැවසූහ. කොල්ලුපිටිය මීසම් සේවක ජූලියන් පැට්‍රික් පියතුමා, සමාජ ක්‍රියාකාරී චමීර පෙරේරා හා නීතිඥ අමිල එගොඩමහවත්ත මහත්වරුන් ඇතුළු පිරිසක් මේ අවස්ථාවට එක්වූහ.
