පාකිස්තානයේ පසුගිය මූල්‍ය වර්ෂය අවසන් වනවිට ඒකපුද්ගල ණය බර රුපියල් ලක්ෂ 3 ඉක්මවා ඇතැයි එරට නව මූල්‍ය ප්‍රතිපත්ති ප්‍රකාශනයෙන් අනාවරණය වූ බව පාකිස්තාන මාධ්‍ය වාර්තා කළේය.
එම වසරේදී අයවැය හිඟය සීමාව ඉක්ම යමින් රුපියල් ට්‍රිලියන 4කින් ඉහළ ගොස් ඇතැයි ද පාකිස්තානයේ ට්‍රිබියුන් පුවත් සේවය වැඩිදුරටත් වාර්තා කළේය.
එරට මුදල් අමාත්‍යාංශයේ මූල්‍ය ප්‍රතිපත්ති ප්‍රකාශයට අනුව 2023 මුල්‍ය වර්ෂයේදී රුපියල් 2,71, 264ක්ව තිබූ ඒකපුද්ගල ණය බර පසුගිය මූල්‍ය වර්ෂයේදී රුපියල් 3,01,954ක් හෝ 11.3% ක් දක්වා ඉහළ යෑම සැලකිය යුතු අවදානම් තත්ත්වයක් බව ද එරට මාධ්‍ය සඳහන් කළේය.
වසර 2028දී එරට දළ දේශීය නිෂ්පාදනය තිරසර අපනයන ක්‍රියාවලිය තුළින් 6% කින් වර්ධනය කිරිමේ පාකිස්තාන රජයේ සැලසුමට එරට ඒකපුද්ගල ණය බර වර්ධනය වීම බලපෑමක් වනු ඇතැයි ද වාර්තා වේ. කෙසේ වුවද පසුගිය නොවැම්බර් මාසයේදී 4.90%ක්ව තිබූ එරට උද්ධමනය දෙසැම්බර් මාසය වන විට 4.10% දක්වා පහත වැටී තිබූ බව ද එරට මාධ්‍ය වාර්තා කළේය.
