30
ඉඩම් ප්‍රතිසංස්කරණ කොමිෂන් සභාව යටතේ ඇති ඉඩම් ලබා දීමේ දී විවිධ අක්‍රමිකතා සිදුව ඇති බැවින් ඒ සම්බන්ධයෙන් විමර්ශනයක් සිදු කරන බව ඉඩම් හා වාරිමාර්ග නියෝජ්‍ය අමාත්‍ය වෛද්‍ය සුසිල් රණසිංහ මහතා පාර්ලිමේන්තුවේ දී ඊයේ (21) සඳහන් කෙළේය.
මෙම විමර්ශනය සිදුවන්නේ 2015 වසරේ සිට ලබා දී ඇති ඉඩම් සම්බන්ධයෙන් බව ද නියෝජ්‍ය අමාත්‍ය වෛද්‍ය සුසිල් රණසිංහ මහතා පැවසුවේය.
අමාත්‍ය මණ්ඩලයේ අනුමැතිය මත මෙම විමර්ශනය සිදුකරන බවත් එම විමර්ශනය සඳහා කමිටුවක් පත් කළ බවත් නියෝජ්‍ය ඇමැතිවරයා කීය.
අදාළ විමර්ශනය මාස තුනක් ඇතුළත සිදුකර අවසන් කරන බව ද හෙතෙම පැවැසීය.
ස්වර්ණා විජේකෝන්, සන්ධ්‍යා කරුණාරත්න
