Sunday, April 6, 2025
Home » සංවිධානාත්මක අපරාධකරුවන් තිදෙනකුට රතු ව‍ෙරන්තු

සංවිධානාත්මක අපරාධකරුවන් තිදෙනකුට රතු ව‍ෙරන්තු

by sachintha
January 21, 2025 12:31 am 0 comment

මෙරට සිදුව ඇති අපරාධ සම්බන්ධයෙන් ජාත්‍යන්තර පොලිසිය මඟින් රතු නිවේදන නිකුත් කර සිටින අපරාධකරුවන් තිදෙනකු මේ වන විට අත්අඩංගුවට ගෙන සිටින බවට තොරතුරු මෙරටට ලැබී තිබේ.

පොඩි ලැසී ඉන්දියාවේදීත්, ලලිත් කන්නන්ගර ඩුබායි හිදීත්, යුරෝපීය රටකදී තවත් අපරාධකරුවකුත් අත්අඩංගුවට ගෙන සිටින බවට තොරතුරු වාර්තා වී ඇති බව වැඩබලන පොලිස්පති නීතිඥ ප්‍රියන්ත වීරසූරිය මහතා ඒ සම්බන්ධයෙන් කළ විමසුමකදී සඳහන් කළේය.

ලලිත් කන්නන්ගර සමඟ තවත් අයෙක් අත්අඩංගුවට ගෙන ඇති බවට තොරතුරු ඇතත් ඒ බව මෙතෙක් නිල තහවුරු වීමක් සිදුව නොමැති බවද ප්‍රියන්ත වීරසූරිය මහතා පැවසීය.

මෙම අපරාධකරුවන් මෙරටට රැගෙන ඒමට අවශ්‍ය පියවර මේ වන විට ගනිමින් සිටින බවද වැඩබලන පොලිස්පතිවරයා වැඩිදුරටත් සඳහන් කළේය.

අධිකරණයෙන් ඇප ලැබුණු පානදුරේ කුඩු සලිඳු නමැති මත්කුඩු ජාවාරම්කරුද ඉන්දියාවට මේ වන විට පලාගොස් සිටින බවට තොරතුරු බුද්ධි අංශ විසින් තහවුරුකරගෙන තිබේ. ඉන්දියාවේ සිට ව්‍යාජ විදෙස් ගමන් බලපත්‍රයකින් ඔහු ඩුබායි හෝ යුරෝපීය රටකට පැන ගැනීමට සැලසුම් කරමින් සිටින බවට තොරතුරුද බුද්ධි අංශ වෙත ලැබී ඇත.

ගයාන් කුමාර වීරසිංහ

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT