කොළඹ ආනන්ද විදුහලේ පිට දඟපන්දු යවන ශ්‍රී ලංකා අවුරුදු 17න් පහළ නායක කිත්ම විතානපතිරණ 5 වැනි ‘ටී.බී. ජය කුසලාන’ වෙනුවෙන් පැවති තරගයේදී කොළඹ සහිරා විදුහලට එරෙහිව පන්දුවෙන් දස්කම් දක්වමින් පළමු ඉනිමේ කඩුලු 10ම දවාලීමට සමත් විය.
අවුරුදු 19න් පහළ අන්තර් පාසල් දෙදින ක්‍රිකට් තරගාවලිය යටතේ පැවති මේ තරගයේ සහිරා පළමු ඉනිමේදී ලකුණු 29ක් දෙමින් කිත්ම මේ කඩලු 10 දවාගත් අතර දෙවැනි ඉනිමේදී කඩුලු 3ක් බිඳ දැමීය. කෙසේ වෙතත් මේ තරගය නිමා වූයේ ජය පරාජයෙන් තොරවය.
සහිරා පළමු ඉනිම – 131 (ඕවර 55.2) රනිදු මලිත් 41, ෂයාන් ඉෂ්මාත් 31, මෂ්වුත් මොහිදීන් 25 (කිත්ම විතානපතිරණ 29/10) සහ දෙවැනි ඉනිම – 215 (ඕවර 49.5) රනිදු මලිත් 55, තරුෂ නවෝද්‍ය 39, පවන් ජයවර්ධන 26, ඉජාස් අහමඩ් 25, රයිඩ් කරීම් 21 (අශිංෂ නයිනායක 61/5, කිත්ම විතානපතිරණ 88/3, ශාරද ජයරත්න 31/2)
ආනන්ද පළමු ඉනිම – 169 (ඕවර 44) කෙනුල් ද සොයිසා 50, ඩිලාල් අමරසිංහ 30, දෙනෙත් බිම්සර 28, කිත්ම විතානපතිරණ 22 (ඉනාම් ස්ලාසා 22/5, තරුෂ නවෝද්‍ය 34/2) සහ දෙවැනි ඉනිම – 90/1 (ඕවර 18.3) නෙතුල එදිරිමාන්න නොදැවී 53, දනිදු සෙල්ලප්පෙරුම 36.
