කල්පිටිය නගරය තුළ සැකකටයුතු ත්‍රිරෝද රථයක් පරීක්ෂා කිරීමේදී, අලෙවි කිරීම සඳහා සූදානම් කර තිබූ නීති විරෝධී මත් කරල් 80ක් සමඟ සැකකරුවන් දෙදෙනකු පසුගියදා (17) විජය නාවුක ආයතනය හා පොලීසිය විසින් කරන ලද ඒකාබද්ධ මෙහෙයුමකින් අත්අඩංගුවට ගෙන තිබේ.
සැකකරුවෝ කල්පිටිය, පුදුකුඩිඉරිප්පුව සහ ඒත්තාල පදිංචි වයස අවුරුදු 33 සහ 49 අතර අයවලුන් වෙති. මෙම මත් කරල් විශේෂයෙන් පාසල් සිසුන් ඉලක්ක කර අලෙවි කරන බැව් අනාවරණය වී ඇති අතර, මත්ද්‍රව්‍ය භාවිතයේ ප්‍රාථමික පියවර වශයෙන් මෙම මත් කරල් භාවිත කරන බවද අනාවරණය කරගෙන තිබිණ.
වෛද්‍ය නිර්දේශයකින් තොරව මෙම වේදනානාශක විශාල ප්‍රමාණයක් ළඟ තබා ගැනීම වරදක් බව පෙන්වා දෙන පොලීසිය, සැකකරුවන් සහ නඩු භාණ්ඩ පුත්තලම මහේස්ත්‍රාත් අධිකරණයට ඉදිරිපත් කිරීමට නියමිත බවද කියා සිටියේය.
