අධ්‍යාපන පොදු සහතික පත්‍ර උසස් පෙළ විභාගයට පෙනී සිට ප්‍රතිඵල අපේක්ෂාවෙන් සිටි ශිෂ්‍යයෙක් පෙරේදා (18) මී උණ වැලඳීමෙන් මියගොස් තිබේ.
මෙලෙස මියගොස් ඇත්තේ කෑගල්ල පුස්සැල්ලේ පදිංචිව සිටි කෑගලු විද්‍යාලයේ ඉ‍ෙගනුම ලබා ඇති 20 හැවිරිදි ජී.එම්.පී. නිලූෂ ප්‍රසන්න නමැති ශිෂ්‍යයෙකි. මියගොස් ඇති ශිෂ්‍යයාට ඉකුත් 15 වැනිදා උණ සෑදීමෙන් කෑගල්ල මහ රෝහලට ඇතුළත් කර ඇති අතර කෑගල්ල මහ රෝහලේ නේවාසිකව ප්‍රතිකාර ලබමින් සිටිය දී ඉකුත් 17 වැනිදා මී උණ වැලඳී ඇති බවට වෛද්‍යවරු තහවුරු කර තිබේ. තවදුරටත් කෑගල්ල මහ රෝහලේ නේවාසිකව ප්‍රතිකාර ලබමින් සිටිය දී ශිෂ්‍යයා පෙරේදා (18) පෙරවරුවේ ජීවිතක්ෂයට පත්ව තිබුණි.
මියගොස් ඇති ශිෂ්‍යයා 2023 වසරේ පළමු වරට ගණිත අංශයෙන් අධ්‍යාපන පොදු සහතික පත්‍ර උසස් පෙළ විභාගයට පෙනී සිට ඇති අතර පසුගියදා පැවති විභාගයට දෙවැනි වරට පෙනී සිට ප්‍රතිඵල අපේක්ෂාවෙන් නි‍ෙවසේ සිටිය දී මෙම අවාසනාවන්ත සිදුවීමට මුහුණ පා තිබේ.
