උපරතන පාරමිතා පදනමේ අනුග්‍රහය මත කුරුණෑගල, වීරඹුගෙදර ග්‍රාමීය රෝහලේ නේවාසික රෝගීන්ගේ පහසුව සඳහා රෝහලට අත්‍යවශ්‍ය උපකරණ ප්‍රදානය කිරීම පෙරේදා (18) සිදු කෙරිණි.
උපරතන පාරමිතා පදනමේ සභාපති, උතුරු අමෙරිකාවේ ප්‍රධාන අධිකරණ සංඝනායක කටුගස්තොට උපරතන නාහිමිපාණන් වහන්සේ මෙලෙස රෝහලේ ඇඳන් සඳහා මෙට්ට සහ මදුරු දැල් ප්‍රදානය කළහ.
සී කාණ්ඩයේ ග්‍රාමීය රෝහලක් වන වීරඹුගෙදර රෝහලේ දිනකට රෝගීන් 15 දෙනකුට ප්‍රතිකාර කළ හැකි අතර දිනකට බාහිර රෝගී අංශයේ ප්‍රතිකාර කරන සංඛ්‍යාව 150කට අධිකය. ඉදිරියේදී රෝහලේ නවීකරණ කටයුතු සඳහා උපරතන පාරමිතා පදනම මඟින් අනුග්‍රහය ලබා දීමට ද කටුගස්තොට උපරතන නායක හිමිපාණෝ මෙහිදී තීරණය කළහ.
මෙම අවස්ථාවට උපරතන පාරමිතා පදනමේ විධායක අධ්‍යක්ෂ ජීවිකා උදයංගනී කටුමැටියාව මහත්මිය ඇතුළු රෝහල් කාර්ය මණ්ඩලය සහභාගි වී සිටියහ.
