සුව හමුව

වෛද්‍ය ගැටලු සහ උප­දෙස්

ඇදුම ආයෙත් ඇවිත්

මම කුඩා කල සිටම ඇදුම තත්ත්ව­යෙන් පෙළු­ණත් ඉකුත් අවු­රුදු 10ක පමණ කාල­යක් එය සම්පූ­ර්ණ­යෙන්ම සුව විය. මට දැන් වයස 44කි. මේ වන­විට විවාහ වී කෙටි කාල­යක් වන මා හට නැව­තත් ඇදුම රෝගය මතු­විණ. එසේම, ඉකුත් අඩ මසක පමණ කලෙ­කදී මා වයි­රස් උණත් සහ නිව්මෝ­නියා තත්ත්ව­යෙන් ද පෙළිණ. එහිදී එක් පෙණ­හැ­ල්ලක තුවාල ඇතිවී තිබෙන බව දැන­ග­න්නට ලැබිණ. මා කුමක් කළ යුතු ද?

මිනු­ව­න්ගොඩ – අමිතා

පිළි­තුර

ඇදුම සෑදී කලෙ­කින් සුව වුණත් යළි මතු වීමේ ප්‍රව­ණ­තා­වක් තිබේ. මුලින්ම රුධිර පරී­ක්ෂා­වක් සහ x -ray පරී­ක්ෂා­වක් කළ යුතු ය. එවිට එහි ශේතානු කොටස 10ට වැඩි වී, TSR කියන රුධිර පරී­ක්ෂාව ද 25ට වැඩි නම් පෙණ­හැ­ල්ලට විෂ­බී­ජ­යක් ඇතුළු වී තිබිය හැකිය. මෑත­කා­ලී­නව නිව්මෝ­නියා තත්ත්ව­යත් පැව­තියේ නම්, x -ray එකක් ගැනීම අනි­වාර්ය වේ. ඇදුම රෝගය තියෙන අය බල්ලන්, පූසන් වැනි සතුන් ඇති කිරීම සුදුසු නොවේ. එමෙන්ම, ආත­තිය නිසාත් නිතර ඇදුම රෝගය ඇති විය හැකියි. ඔබට මාන­සික විවේ­කය මෙන්ම ශාරී­රික විවේ­ක­යත් වැද­ගත්. ඇදුම සඳහා බොහෝ දෙනකු ඉන්හේ­ලර් පාවිච්චි කරයි. ඉන්හේ­ලර් බෙහෙත් වර්ග කිහි­ප­යක්ම පව­තියි. උදේ සවස ගන්නා ඉන්හේ­ලර් වගේම එම රෝගය උග්‍ර අව­ස්ථා­ව­කදී ලබා ගන්නට වෙනම ඉන්හේ­ලර් ආදි­යත් පව­තියි. වෛද්‍ය උප­දෙස් මත ප්‍රති­කාර අර­ඹන්න.

ඇඟ පුරා කළු ලප

මම වයස 27ක තරු­ණි­යක්. මගේ ශරී­රයේ තැනින් තැන බිබිළි හට ගත් අතර දින කිහි­ප­යක් ගත­ව­න­විට ඒවා කළු පැහැ­ය­ටත් හැරිණ. පෙනු­මෙන් එය පැපොල රෝග­යට සමා­නය. මම මෙයින් දැනට වස­රක පමණ කාල­යක සිට පීඩා විඳිමි. මා කිහිප සැර­යක් වෛද්‍ය­ව­ර­ය­කු­ගෙන් ප්‍රති­කාර ලබා ගත්ත ද එම ඖෂධ අව­ස­න්වන විට යළිත් බිබිලි හට ගැනිණි. එම බෙහෙ­ත්ව­ලට විශාල මුද­ලක් යන නිසා මා හට එලෙස දිග­ටම ප්‍රති­කාර කිරී­මට ද අප­හ­සුය. මේ තත්ත්වය නිට්ටා­ව­ටම සුව­කර ගත හැකි ක්‍රම­යක් තිබේ ද?

කිතු­ල්ගල – ශානි

පිළි­තුර

ඔබේ විස්තර කිරී­මෙන් බිබි­ළි­වල ස්වාභා­වය ගැන හරි අව­බෝ­ධ­යක් ලබා­ගත නොහැකි නිසා නිසි උප­දෙ­සක් දීම අප­හ­සුය. ඇතැ­ම්විට මෙය සිරුරේ උෂ්ණය පිට­වී­මක් හෝ නැති­නම් මෙය වෙනත් චර්ම රෝග­යක් වීමට ද පුළු­වන. එබැ­වින් වෛද්‍ය­ව­ර­ය­කුට පෙන්වී­මට පමා නොවන්න.

කෙට්ටු වන්නේ සීනි­ව­ලට ද?

මම වසර පහක සිට දිය­වැ­ඩි­යා­වට ප්‍රති­කාර ලබා ගන්නා කාන්තා­වක්. වයස 43යි. දෙදරු මවකි. මේ කාලය තුළදී මාගේ ශරී­රය බොහෝ සෙයින් කෙට්ටු වුණා. දැන් වය­සට වඩා වැඩි පෙනු­මක් මා තුළින් දිස් වෙනවා. මාගේ පෙනුම යථා තත්ත්ව­යට පත් කර ගන්නේ කොහොම ද? පෙනුම ගැන සිතා ආහාර ලබා ගත්තොත් දිය­වැ­ඩි­යාව උග්‍ර අතට හැරෙයි ද?

අනු­රා­ධ­පු­රය – ඉනෝකා

පිළි­තුර

පළ­මු­වෙන්ම ඔබගේ දිය­වැ­ඩි­යාව පාල­නය වී ඇති දැයි බැලිය යුතු ය. එයට මේ පරී­ක්ෂණ කර බලන්න. Fasting blood suger. එය 120ට අඩු­වෙන් තිබිය යුතු ය. HBA1C එය 7 ට හෝ 7ට පහ­ළින් තිබිය යුතු ය. මේ පරී­ක්ෂණ දෙක සාමාන්‍ය නම් ඔබගේ ඇඟ කෙට්ටු වීමට වෙනත් හේතු­වක් තිබිය යුතුය. එයට ඔබගේ තයි­රො­යිඩ් ග්‍රන්ථියේ ක්‍රියා­කා­රී­ත්වය වැඩි දැයි පරීක්ෂා කළ යුතු ය. එයට TSH පරී­ක්ෂ­ණය කරන්න. TSH පරී­ක්ෂ­ණය සාමාන්‍ය නම් මේ තත්ත්වය ඇති­වී­මට වෙනත් හේතු­වක් තිබිය යුතු ය.

කොයි­වෙ­ලා­වෙත් කර­කැ­විල්ල වගේ

මා වයස 29ක කාන්තා­වක්. වයස අවු­රුදු 2ක දිය­ණි­යක් සිටියි. ස්වාභා­වික ආකා­ර­යට දරු ප්‍රසූ­තිය සිදු විය. දරුවා ලැබෙන්න ඉන්න කාල­යේදී නිතර නිතර ක්ලාන්ත ස්වාභා­ව­යක් තිබුණා. හිමො­ග්ලො­බින් මට්ටම අඩු බව ඒ අව­ස්ථා­වේදී මා හට දැන ගන්නට ලැබුණා. නමුත් තව­මත් ඇතැම් අව­ස්ථා­ව­න්ව­ලදී ක්ලාන්ත ගතිය පව­තියි. කිසිදු වැඩක් කිරී­මට නොසිතේ. මෙසේ වන්නේ හිමො­ග්ලො­බින් ගැට­ලු­වක් නිසා ද?

කඩු­වෙල – නිශාධි

පිළි­තුර

ඔබගේ දැනට පව­තින හිමො­ග්ලො­බින් මට්ටම කොප­මණ දැයි සඳ­හන් කර නොමැත. ඔබගේ වයසේ හැටි­යට හිමො­ග්ලො­බින් මට්ටම 12.5ක් හෝ 13ක්වත් තිබිය යුතු ය. හිමො­ග්ලො­බින් මීට වඩා අඩු­නම් එසේ වීමට හේතු­වක් තිබිය යුතු ය. එයට full blood count කියා පරී­ක්ෂ­ණ­යක් ඇත. එය කිරී­මෙන් ඔබගේ හිමො­ග්ලො­බින් අඩු වෙන්නේ යකඩ ඌණ­තා­ව­කින් ද නැති­නම් B12 හෝ ෆෝලික් විට­මින් පදාර්ථ ඌණ­තා­ව­කි­න්දැයි කියා බැලිය යුතු ය. යකඩ ඌණ­තා­වක් නම් NCB කියා හිමො­ග්ලො­බින් වාර්තාවේ ඇති කොටස 75ට අඩු ය. B12 4 ෆෝලික් අම්ලය ඌණ­තා­වක් නම් HCD මට්ටම 90ට වැඩි ය. ඒ සමඟ යකඩ ඌණ­තා­වක් නම් ඔබට මාසික ඔසප් වීම සිදු­ව­න­විට වැඩි­යෙන් ලේ වහ­නය වනවා දැයි සොයා බැලිය යුතු ය. එසේ­නම් ඒ සම්බන්ධ විශේ­ෂ­ඥ­ව­ර­යකු හමු වන්න. ඒ වගේම ඔබට මල­පහ සමඟ රුධි­රය පිට­වන්නේ ද නැති­නම් කළු පාටට මල­පහ පිට­වන්නේ ද කියා විම­සි­ලි­මත් වන්න. මේ ලක්ෂණ ඇති­නම් එය ශල්‍ය වෛද්‍ය­ව­ර­යකු ලවා පරීක්ෂා කර ගන්න.

නිතර ඇති­වන හිස­ර­දය

මා පාසල් සිසු­වි­යක්. ලබන වස­රේදී උසස් පෙළ විභා­ග­යට මුහු­ණ­දී­මට බලා­පො­රො­ත්තු­වෙන් සිටිමි. දැනට මාස තුනක පමණ කාල­යක සිට සවස් වන විට මා හට දැඩි ඔළුවේ කැක්කු­මක් හට ගනී. එයට ප්‍රති­කාර ලබා ගත්තත් තවම සුව­යක් නැත. මෙය මාගේ අධ්‍යා­පන කට­යු­තු­ව­ලට ද බාධා­වක් වී ඇත. මෙයට නිශ්චිත ප්‍රති­කා­ර­යක් තිබේ ද?

පැපි­ලි­යාන – සචිනි

පිළි­තුර

ඔබගේ හිස­ර­දය බොහෝ වෙලා­වට උසස් පෙළ වගේ විභා­ග­ව­ලට පෙනී සිටින සිසු සිසු­වි­යන්ට තියෙන ප්‍රශ්න­යකි. තර­ගා­කාරී විභා­ග­ව­ලට මුහුණ දෙන­විට ඒ පිළි­බ­ඳව ඕනෑ­වට වඩා හිතන්න ගන්නවා. ඒ නිසා හැදෙ­නවා tension headache සහ මිග්‍රේන් කියන ඔළුවේ කැක්කුම් දෙක. මේ සම්බ­න්ධව ප්‍රති­කාර ගැනී­මට පෙර ඔබගේ ඇස් පරීක්ෂා කර බලන්න. ඇස්වල ආබා­ධ­යක් තියා­ගෙන පාඩම් කළොත් ඔළුවේ කැක්කුම් ඇති වෙන්න පුළු­වන්. ඒ වගේම ඔබට පීනස රෝගය තිබේ දැයි බලන්න. ඒකත් ඔළුවේ කැක්කුම හැදෙන්න හේතු­වක්. මේ තත්ත්ව­යේදී ඔබට අඩුම වශ­යෙන් පැය 6කවත් නින්දක් අව­ශ්‍යයි. ප්‍රති­කාර ගැනී­මෙන් පසුත් සුව­යක් නොමැ­ති­නම් CT ස්කෑන් වැනි පරී­ක්ෂණ කිරීම අව­ශ්‍යයි.

උප­දෙස් -කායික රෝග විශේ­ෂඥ වෛද්‍ය
එච්. ඩී. විජේ­සිංහ

විදු­මිණි දිසා­ක­රුණා

****

විෂා­දය ගැන ඔබ දැනු­ම්වත් ද?

පුද්ග­ල­යන් 04 දෙන­කු­ගෙන් එක් අය­කුට මාන­සික රෝගී තත්ත්ව­යක් තිබෙන බවක් නව­තම සමී­ක්ෂණ වාර්තා උපුටා දක්වයි. එසේම නොයෙක් මාන­සික රෝගී තත්ත්ව තිබුණ ද බහු­ලව දක්නට ලැබෙන මාන­සික රෝගී තත්ත්ව­යක් ලෙස විෂා­දය (Depression) හඳුන්වා දිය හැකියි.

මේ සඳහා ජාන­මය බල­පෑම හේතු වෙනවා. රෝගි­යාගේ මව, පියා හෝ ලේ ඥාති­ය­කුට ඩිප්‍රෙ­ෂන්ස් තත්ත්වය තිබේ ඒ අනුව පවුලේ සෙසු තැනැ­ත්තන්ට ද එකී රෝගී තත්ත්වය වැල­ඳීමේ යම් ප්‍රව­ණ­තා­වක් තිබෙ­නවා. ඒ වගේම කුඩා කාලයේ සිදුවූ අමි­හිරි අත්දැ­කීම්, විශේ­ෂ­යෙන් ලිංගික අප­යෝ­ජන වැනි­දෑත් පවුල් තුළ ඇති­වන අඬ­ද­බර නිසාත් මවු­පිය සෙනෙ­හස අහි­මි­වීම් ආදි­යත් විෂා­දය ඇති­වී­මට බල­පා­නවා. තරුණ වයසේ කෙන­කුට මෙකී රෝගී තත්ත්වය ඇති­වී­මට මත්ද්‍රව්‍ය, මත්පැන් භාවි­තය තද­බල හේතු­වක්. ඒ කෙසේ වෙතත් දරා­ගැ­නීමේ ශක්තිය හීන අය විෂා­ද­යට ගොදු­රු­වීමේ ප්‍රති­ශ­තය ඉහ­ළයි. විශේ­ෂ­යෙන් පිරි­මි­යාට සාපේ­ක්ෂව කාන්තා­වට ඩිප්‍රෙ­ෂන්ස් වැළ­ඳීමේ ප්‍රව­ණ­තාව ඉහළ බවක් පෙනෙ­නවා. ඒ අනුව මාන­සික රෝගී තත්ත්ව­යෙන් පෙළෙ­න්නන් තම රෝගී තත්ත්වය පිළි­බඳ දැනු­ම්වත් වීමත්, ප්‍රති­කාර සඳහා යොමු­වී­මත් වඩාත් වැද­ගත්. ප්‍රති­කාර නොගෙන සිටී­මෙන් රෝගී තත්ත්වය උත්සන්න වීම­ටත් ඉඩ තිබෙ­නවා. ඩිප්‍රෙ­ෂන්ස් වැළඳී ඇති පුද්ග­ල­යකු තුළ ඇති­විය හැකි රෝග ලක්ෂණ ලෙස හිස­ර­දය, හිසේ බර ගතිය, කල­කි­රීම, ඕනෑ­වට වඩා සංවේදී වීම, පොඩි වැඩක් කළත් අධික මහ­න්සිය දැනීම, ඇඟ­පත අමා­රුව, ඍණා­ත්මක සිතු­වි­ලි­වල එල්බ සිටීම. නින්ද අඩු­වීම, නින්ද වැඩි­වීම, කෑම අරු­චිය , කෑම රුචිය වැඩි­වීම, අධික මහ­න්සිය, අධික තර­හව, නිතර අම­තක වීම, නුරුස්නා ගතිය ආදිය හඳුන්වා දෙන්න පුළු­වන් . විෂා­ද­යට ගොදු­රු­වී­මට වයස් භේද­යක් බල­පාන්නේ නැහැ. වයස අවු­රුදු 4 – 5 දරු­ව­නුත් විෂා­ද­යට ගොදුරු විය හැකියි.

උප­දෙස් – කොළඹ රිජ්වේ ආර්යා ළමා රෝහලේ
ළමා රෝග පිළි­බඳ විශේ­ෂඳ වෛද්‍ය
හසිත ලිය­න­ආ­රච්චි

මනෝජ් රුක්මල් කුමා­ර­සිංහ

****

ළමා හතිය මට්ටු කරන හැටි

අප ජීව­ත්වන මේ පරි­ස­රයේ දරු­වන්ට බහු­ලව වැල­ඳෙන ලෙඩ රෝග අතර ළමා හතිය නැති­නම් ළමා ඇදුම ද නිර­න්තර අව­ධා­න­යට යොමුවේ. ඒ අනුව අද ළමා හතිය පිළි­බඳ අව­බෝ­ධ­යක් ලබා ගනිමු.

ළමා හතිය දරු­වන් අතර තර­මක් සුලබ තත්ත්ව­යක් ලෙස ද හඳු­නා­ගත හැකිය. එසේම ප්‍රවේ­ණි­ග­තව හඳු­නා­ගත හැකි තත්ත්ව­යක් ද වේ. සාමාන්‍ය දරු­ව­කුට වඩා මේ දරු­වන්ගේ පෙණ­හලු සංවේදී බවින් වැඩිය. හුස්ම ගැනී­මට අප­හසු වීම, නොන­ව­තින කැස්ස ඇති වීම (එම කැස්ස පාන්ද­රට, රාත්‍රියේ දී උත්සන්න විය හැකිය, දහ­වල් කාලයේ එහි අඩු­වක් හෝ යම් සම­නය වීමක් පෙන්නුම් කළ හැකිය. විශේ­ෂ­යෙන් මේ රටාව ළමා හති­යෙන් පෙළෙන දරු­වන් කෙරෙන් මනාව පෙන්නුම් කරයි. ) මේ සමඟ දරු­වන්ට හති තත්ත්වය, හුස්ම ගැනීමේ අප­හ­සු­තාව ද ඇති වේ. ඔවුන් බොහෝ විට කෙටි හුස්ම ගැනීම් සඳහා උත්සාහ දරන අතර හුස්ම ගැනීම සඳහා ආයා­ස­යක් දරයි. පපු­වෙන් ‘රාං රූං’ ශබ්ද­යක් ඇසිය හැකිය. නිදා ගැනීම අප­හසු වේ. මේ තත්ත්වය තව­දු­ර­ටත් උත්සන්න වූ අව­ස්ථා­වක දරු­වාගේ සිරුරේ ඔක්සි­ජන් සාන්ද්‍ර­ණය අඩුවී දරුවා නිල් පැහැ විය හැකිය. ඇතැම් අව­ස්ථා­වක එය දරු­වාට වඩා අහි­ත­කර ප්‍රති­ඵල ද ඵම­ඟින්ම ළඟා කර දිය හැකිය. දරු­ව­කුගේ මෙබඳු තත්ත්ව­යක් මනාව පාල­නය කිරීම බොහෝ වැද­ගත් බැව් අව­ධා­ර­ණය කර­නුයේ එබඳු හේතු නිසාය.

මෙබඳු තත්ත්ව බොහෝ දුරට දරු­ව­කුගේ ළමා අව­ධියේ හට­ගෙන දරු­වාගේ වර්ධ­න­යත් සමඟ අඩු වීමක් පෙන්නුම් කරයි. තවද මේ තත්ත්වය නිට්ටා­වට සුව කළ නොහැකි අතර වර්ධ­න­යත් සමඟ දරු­වාගේ ශරී­රය මඟින්ම ඊට ස්වයං අනු­ගත වීමක් ඇති කර ගනි­මින් මනා පාල­න­ය­කට ලක් කර­ගැ­නී­මක් සිදු කරයි.

හති­යට බල­පාන කාරණා

මූලික වශ­යෙන් ම හතිය ඇති වීමට හේතු වන්නේ විස­බී­ජ­වල බල­පෑම වේ. එබඳු තත්ත්ව­ය­කදී වයි­රස්, බැක්ටී­රියා මඟින් දරු­ව­කුට යම් ආසා­ද­න­යක් ඇති කළ අව­ස්ථා­වක ඇති­වන කැස්ස, හතිය නොමැති නම් ඇදුම ඇති දරු­ව­කුට ඇති කරන බල­පෑම සාමාන්‍ය දරු­ව­කුට වඩා වෙනස් වේ. එබඳු අව­ස්ථා­වක ඇති­වන කැස්සේ තීව්‍ර­තාව වැඩි බල­පෑ­මක් ඇති කරයි. රාත්‍රි නින්දට බාධා කරන, හුස්ම ගැනී­මට අප­හසු කර­වන ආකා­ර­යෙන් කැස්ස ඇති­වීම සිදුවේ.

දූවිලි – මයි­ටා­වන්

කොට්ට මෙට්ට­වල, පැරණි පොත් පත්ත­ර­වල, සැහැල්ලු සෙල්ලම් බඩු­වල ආදි විවිධ ගෘහා­ශ්‍රිත ද්‍රව්‍ය ඇසුරේ මේ ඇසට නොපෙ­නෙන මයි­ටා­වන් රැඳී පවතී. මේ තත්ත්වන් දරු­වාට ඇදුම ඇති කිරී­මට හේතු­වක් වන කාරණා අත­රට ගැනේ. ඒ අතර නිවසේ ඇති විවිධ දුම් වර්ග එනම් හඳු­න්කූරු දුම හා එබඳු දුම් වර්ග නිසාද එනම් ඒවායේ රසා­ය­නික ද්‍රව්‍ය මඟින් ඇති කරන ආසා­ත්මික තත්ත්ව­යක් නිසා සම­හර විට දරු­වාට හතිය ඇති කළ හැකිය. ඊට අම­ත­රව නිවෙසේ සුර­ත­ල­යට ඇති කරන සතුන්ගේ ලෝම, මල්වල පරාග ආදිය ද දරු­වාට හතිය ඇති කරන සාධක වශ­යෙන් බලපෑ හැකිය. එමෙන්ම, පින්තාරු වැඩ කරන පරි­ස­ර­යන් තුළ, ලී කුඩු, ඇඳුම් මැසීම සඳහා රෙදි වර්ග කපන ආදි ස්ථාන­වල දරුවා ගැව­සී­මෙන් ඊට ආසා­ත්මි­ක­තා­වක් පෙන්වන දරු­වන්ට හතිය එසේත් නැති­නම් ඇදුම ඇති විය හැකිය. මීට අම­ත­රව කලා­තු­ර­කින් යම් ආහාර වර්ග නිසා ද දරු­වාට ඇති විය හැකි ආසා­ත්මි­ක­තා­වක් හේතු­වෙන් හතිය ඇති­විය හැකිය. එහෙත් මේ තත්ත්ව දරු­වා­ගෙන් දරු­වාට වෙනස් විය හැකිය. ඒ නිසා දරු­වාට හතිය ඇති කරන සාධක මොන­වාද යන්න මනාව පැහැ­දිලි කර ගැනීම ද වැද­ගත් වනු ඇත. දරු­වාට හතිය ඇති කරන ඒ අදාළ සාධ­ක­ව­ලින් මඟ­හ­රින අත­ර­තුර දරු­වාට නිසි පෝෂණ ගුණ­යෙන් සපිරි ආහාර පාන ටික ලබා දීමෙන්, නිසි පරිදි ස්නානය කිරී­මෙන් අනිසි බිය ඉවත් කොට, දරු­වාට නිති­පතා පිරි­සු­දුව සුවෙන් සිටි­නට අවැසි වට­පි­ටා­වක් ඇති කිරී­මට කට­යුතු කිරී­මෙන් දරු­වාට සුව­පත් දිවි­යක් ගත කිරී­මට මඟ උදා කර දිය හැකිය.

හතිය පාල­නය කරන හැටි?

පළමු වැනි දේ පෙර හඳු­නා­ගත් පරිදි දරු­වාට මේ තත්ත්වය ඇති කරන දෑ එනම් දරු­වාගේ ඇදුම තත්ත්වය උත්සන්න කරන පරි­සර සාධක, ආහාර පාන හෝ ඒ හා බැඳි අනි­කුත් සාධ­ක­ව­ලින් දරුවා ඈත් කර තැබී­මය. එසේම දරුවා එබඳු දේට නිරා­ව­ර­ණය වීම හැකි­තාක් අවම වන ආකා­ර­යට කට­යුතු කිරී­මෙන් හා දරු­වාගේ ඇදුම තත්ත්වය පාල­නය කර ගැනීම සඳහා අවශ්‍ය පිය­වර ගැනී­මය. විස­බී­ජ­ව­ලින් ප්‍රවේ­සම් වීමට දෑත් සේදීම, මුඛ ආව­රණ පැල­ඳීම ආදිය නිසි පරිදි සිදු කළ යුතුය.

ප්‍රති­කර්ම

දරු­වාට හතිය උත්සන්න වූ අව­ස්ථා­වල එය සම­න­යට ඖෂධ ලබා දෙන අත­රම දරු­වාගේ හතිය පාල­නය සඳ­හාත් ප්‍රති­කර්ම යොදනු ලැබේ. බොහෝ විට මේ සඳහා යොදා­ගනු ලබ­නුයේ ඉන්හේ­ලර් මාර්ග­යෙන් ලබා දෙන ප්‍රති­කාර ක්‍රම­යය. එහෙත් මේ ඉන්හේ­ලර් ප්‍රති­කාර ක්‍රමය පිළි­බඳ සමා­ජයේ විවිධ මිත්‍යා මත හා අනිසි බිය පවතී. විශේ­ෂ­යෙන් ඉන්හේ­ලර් භාවි­ත­යට හුරු වීමෙන් දරු­වාට ඉන් මිදිය නොහැ­කිය යන්න හෝ ඉන් නොයෙක් අතුරු ආබාධ ඇති­වේය යන්න ඒ අත­රින් ප්‍රමුඛ මත­යයි. එසේම, මෙය යථා­ර්ථ­වාදී නොවේ. මන්ද මේ ගැට­ලු­වේදී ඇති ආර­ක්ෂි­තම හා රෝගය හොඳින්ම පාල­නය කර ගැනී­මට සහාය විය හැකි ප්‍රති­ක­ර්මය ඉන්හේ­ලර් ප්‍රති­කාර ක්‍රම­යය. එය ඉතා ඵල­දායි ප්‍රති­කාර ක්‍රම­යක් වන අතර එම­ඟින් දරු­වාගේ රෝගය මනා පාල­න­ය­කට ලක් කර­ගත හැකි අතර ම එම­ඟින් දරු­වා­ටත් ඉතා ගුණා­ත්මක දිවි­යක් ගත කිරී­මට ඉතා හොඳ ඉඩ­ක­ඩක් ඇති කර දෙයි. තවද එම ප්‍රති­කාර කුම­නා­කා­රව සිදු කර­න්නේද එම ප්‍රති­කාර දරු­වාට කොප­මණ කාල­යක් කළ යුතු වේද යන්න දරු­වා­ගෙන් දරු­වාට වෙනස් විය හැකි අතර එය වෛද්‍ය­ව­රයා විසින් තීර­ණය කරනු ලබයි.

උප­දෙස් – කොළඹ රිජ්වේ ආර්යා ළමා රෝහලේ ළමා රෝග පිළි­බඳ විශේ­ෂඳ වෛද්‍ය
හසිත ලිය­න­ආ­රච්චි

සමු­ද්‍රිකා වර්ණ­කුල

****

මඳසරු බව දුර­ලන හෙළ ඔසු

“ස්ත්‍යායනී ගර්භෝ යස්‍යා­මිතී ස්ත්‍රී”
ගැබක් දරන්නේ යමෙක්ද ඒ ස්ත්‍රියකි

මාතෘ­ත්වය යනු ලොව ගැහැ­නි­ය­කට පැල­ඳිය හැකි ඉහ­ළම කිරුළ බව සමාජ පිළි­ගැ­නී­මයි. විවා­පත් බොහෝ කාන්තා­වන්ගේ මූලික අභි­ප්‍රාය වනුයේ දරු­වකු පිළි­සිඳ ගැනී­මයි. එහෙත් විවාහ වී වසර ගණ­නා­වක් යන තෙක්ම දරු­වන් නොල­බන කාන්තා­වන්ද සිටින අතර ගතා­නු­ග­තික සංස්කෘ­ති­යක් කර­පින්නා ගත් මෙරට සමා­ජය තුළ එවැනි කාන්තා­වන් නිර­න්ත­ර­යෙන් දෝෂ දර්ශ­න­යට ලක්වේ. මේ ගැට­ලුව ස්ත්‍රී, පුරුෂ යන දෙපා­ර්ශ්ව­ය­ටම පොදු වුවත් ඉන් වඩාත් පීඩා විඳින්නේ කාන්තා­වයි. ලෝක සෞඛ්‍ය සංවි­ධා­නය අනුව ලිංගික ක්‍රියා­ශීලී යුව­ළක් උපත් පාලන ක්‍රම­යක් භාවිත නොකර වස­රක් ඇතු­ළත ගර්භි­ණී­භා­ව­යට පත් නොවන්නේ නම් එය මඳසරු භාවය හෙවත් නිසරු බව ලෙස හඳු­න්වයි.

ආයු­ර්වේ­දයේ සඳ­හන් වන පරිදි දරු­වෙකු පිළි­සිඳ ගැනීම සඳහා ප්‍රධාන වශ­යෙන් සාධක කිහි­ප­යක් බල­පාන අතර ඒවා සෘතු – සරු කාලය, ක්ෂේත්‍ර- දරුවා සැක­සෙ­න්නට අවශ්‍ය ක්ෂේත්‍රය හෙවත් ගර්භය, අම්බු- දරු­වාට පෝෂ­ණය ලබා දෙන ආකා­රය, බීජ- ස්ත්‍රිය­කගේ ඩිම්බ හා පුරුෂ ශුක්‍රාණු ආදි වශ­යෙන් හැඳින්වේ. ආයු­ර්වේ­ද­යට අනුව මෙම සත­රා­කාර සාධක නීරෝ­ගිව ඇති විට නීරෝගි දරු­වකු පිළි­සිඳ ගැනීම සිදුවේ.

මේ ලිපිය තුළදී ප්‍රධාන වශ­යෙන් කාන්තා මඳසරු භාවය පිළි­බඳ අව­ධා­නය යොමු කරන අතර ඒ සඳහා ප්‍රධාන වශ­යෙන් බල­පාන හේතු කිහි­ප­යක් හඳුනා ගත හැකිය. එනම් පැලෝ­පීය නාල දෝෂ, ඩිම්බ නීහ­ර­ණය හෝ ආර්ත­වය අඩු­වීම, ගර්භා­ෂය නිසි ලෙස නිර්මා­ණය නොවීම ඇතුළු ගර්භා­ෂ­ගත විකෘති තත්ත්ව­යන්, ගැබ් ගෙල තුළ ඇති­වන්නා වූ මස් දලු සහ ගැබ් ගෙල ශ්‍රාව, යෝනි මාර්ගය සම්පූ­ර්ණ­යෙන් වැසී තිබීම හෝ පටු­වීම, යෝනි මාර්ගයේ ආම්ලික තත්ත්වය වැඩි­වීම, වයස අවු­රුදු තිස්ප­හට වඩා වැඩි­වීම, සරු කාලය පිළි­බඳ අන­ව­බෝ­ධය, සංස­ර්ග­යේදී ඇති­වන දුර්ව­ලතා, කෘත්‍රිම ආහාර අධි­කව පරි­භෝ­ජ­නය, මාන­සික ගැටලු ආදී වශ­යෙනි.

මෙම රෝගී තත්ත්වය පාල­නය සඳහා නූතන වෛද්‍ය විද්‍යා­ත්මක ක්‍රම මෙන්ම ආයු­ර්වේ­දයේ එන ප්‍රති­ක­ර්මද භාවි­ත­යට ගැනී­මෙන් සාර්ථක ප්‍රති­ඵල ලබා­ගත හැකිය. ආයු­ර්වේ­දයේ එන එවන් පිළි­යම් කිහි­ප­යක් මෙසේය. මෙම ප්‍රති­කාර ආර­ම්භ­යේදී පළ­මුව ශරීර ශෝධ­නය කළ යුතු අතර ඉන්පසු ශරීර උෂ්ණය (පිත) සංසි­ඳීම සිදු කළ යුතුය.

නෙල්ලි, රස­කිඳ තැම්බූ ජලය

වැල්මී, කිරි­බදු අල, කළු උක්දඬු, නෙල්ලි, ඉලුක් මුල්, කලං දෙක බැගින් මද­ටිය අට බැගින් වතුර පත 8-1ට සිඳ පෙරා පත භාගය බැගින් උදේ සවස මී පැණි, සීනි දමා බොන්න.

නෙල්ලි චූර්ණය, වැල්මී චූර්ණය මිශ්‍ර­කොට උණු වතු­රට දමා බොන්න. අමු­ක්කරා අල සුණු­කර එළඟි තෙලෙන් පානය කරන්න. (එළ­කිරි ඉතා ප්‍රත්‍යක්ෂ කිරකි) චන්ද්‍ර­ප්‍ර­භා­වටී දෙක බැගින් උදේ – සවස පොල්පලා, නීර­මු­ල්ලිය, ඉඟි­ණි­ඇට තැම්බූ වතු­රින් බොන්න. කෛශෝරු ගුග්ගුලු දෙකක් උදේ-සවස පානය කරන්න.

මීට අම­ත­රව හාත­වා­රිය 10 කෂාය, මංජි­ෂ්ටාදි කෂාය සහ දුම්වැල්ල 7 කෂාය යෝග්‍ය වේ.

එමෙන්ම පතෝල, වැට­කොළු, පිපිඤ්ඤා, කොළ කැඳ, පලා වර්ග වැනි ආහාර පරි­භෝ­ජ­නය වඩා සුදුසු වන අතර ඉස්සන්, දැල්ලන්, කකු­ළු­වන්, බල මාළු, අච්චාරු ආදී උෂ්ණා­ධික ආහාර ගැනී­මෙන් වැළ­කිය යුතුය.

උප­දෙස්
වෛද්‍ය මාලා කුමු­දුනී ද සිල්වා
ඉන්දී­වරී පෙරේරා

****

සැන්ටි­පෝට් වාර්තාව

‘ගුණේ ළඟ හඩ් ගඳේ බෑ. පිට ඔපේට පොෂ් එකට, කමිසෙ අත් දිගට දාගෙන කර­ගෙන හිටි­යාට ළඟට ගියාම මෙලෝ යකෙ­කුට ගඳ ඉවස ගන්න බෑ. ඉස් මුදුනෙ කපුටු කූඩු ගහන තර­මට කුණු, රොඬු. උකු‍ණො, ලේඬි වකා­ර­යක්. සර්ම ගිහින් බල­න්නකෝ’. සැන්ටි­පෝට් රිපෝ­ට් ­එක ගහන්න. ඉතිරි ඩිංග අපි ගම්මු ටික බලා කියා ගඤ්ඤං. පුත­යව අල්ලලා, ගස් බැඳලා, භූගාලා, නිය­පොතු කප්පලා ගන්ඩයි අපි සේරෝම සැට් වෙලා ඉන්නේ. පමාව තියෙන්නේ සැන්ටි­පෝට් මහ­ත්ත­යා­ගෙයි ඕං.

හැබැයි ගුණයා හොයන් යද්දී ඔබ­තුමා මතක ඇතිව මුඛ­වා­ඩ­ම­කුත් බැඳන් යන්න හොඳේ.’

ගුණේ ගැන, සැන්ටි­පෝට්ට මෙහෙම පැමි­ණිලි කරන්නේ සෝමේ. දෙන්නා කාල­යක් එකට ආස්සරේ කළ ගජ­මි­තු­රන්. හොරෙන් කැපු­වාය කියන තැඹිලි වල්ල­කට ඇති­වෙච්ච ආරෝ­ව­කින් පස්සෙන් පහු, දෙන්නා දැන් ජන්මා­න්තර වෛරයි කිය­ලායි කොට්ටං ගහ යට කඩේ කදේ දාගෙන ඉන්න කට්ටිය කතා වුණේ.

සෝමේ ඇවි­දින් ගෙහුන් කීප දොහ­කට පස්සේ තක­හ­නි­යක් එන්නේ ගුණේ. ‘සර්, ගමේ තැනින් තැන කතාව යන්නේ සර් දැන් කම්මැළි වෙලා කිය­ලායි. ඇයි අර ගුණයා වගේ හඩ්ඩන්ව මට්ටු කරන්නේ නැති හන්දා. බැනි­යමේ අලි හිල්. යට කලි­සම ගැන මං නොකියා ඉන්නං. අල්ල­ග­ත්තම ඒකේ වසං­ගත ටික හොයන්න වෙන­මම පරි­ක්ෂ­ණ­යක් තියන්න වෙනවා සිකු­රුයි. නිය­පොතු කට්ට කළු පාටයි. ඇඟිලි කරු­වල තුවාල. එහෙම්ම ගිහින් තමයි, කොට්ටං ගහ යට ෂෝකේස් එකෙන් කෑම අරන් කන්නේ. ඔය විෂ­බීජ. ඉස්කෝ­ලෙට ගාට­න­පොඩි ළම­යි­නුත් කන්නේ ඒ කෑම….’

දෙපැ­ත්තෙන්ම පැමි­ණිලි. දැන් මුකුත් නොක­රත් බැහැ. ගම්මු කීප දෙන­කු­ගෙන්ම මේ දෙන්නා ගැනම පැමි­ණිලි ලැබිලා තියෙන හින්දා දෙන්න ගැනම එක­ටම විභාග කර­න්නයි අන්තිමේ තීන්දු කළේ ඕං. දෙන්නම අල්ලලා, හොඳ හැටි ඇළෙන් නාව­නවා. ඉන් පස්සේ හන්දියේ බාබර් සාප්පු­වට අරං ගෙහුං කෙස් රැවුල් බාවන වැඩෙත් ගමේ ඉල­න්දා­රිම බාර ගත්තු හින්දා සැන්ටි­පෝ­ට්ටත් ලේසියි. ඊළ­ඟට හඩු ඇඳුම් වෙනු­වට අලු­තෙන් ඇඳුම් කැඩුං ටිකක් දුන්නේ හන්දියේ ලොන්ඩ­රි­යෙන්. ඔය සේරෝ­ගෙන්ම පස්සෙන් පහු නාගෙන, පිරි­සු­දු­වට ඉඳන්, අනු­න්ටත් ලෙඩ රෝග බෝ නොකර තම­නුත් හොඳ සෞඛ්‍ය­යෙන් ඉන්ඩ ඕනෑ විදිහ මේ දෙන්න­ටම කියා දෙන්ඩයි සැන්ටි­පෝට්ට දැන් තියෙන්නේ. ඉතින්, අනුන්ගේ හඩු ගඳ ගැන හොයන්ඩ කලින් කවුරු කවු­රුත් තමන්ගේ දිහෑ­ටත් ටිකක් හැරිලා බැලු­වානං හොඳයි ඕං…’

****

මනෝ වෛද්‍ය ගැටලු සහ උප­දෙස්

සැමියා වෙනත් සබ­ඳ­තා­වක් ඇති­ක­ර­ගෙන ඇතැයි මට සැක­යක් ඇති වෙනවා. මේ නිසා අප දෙදෙනා අතර බහි­න්බස් වීම්, ගැටුම් ඇති­වෙ­නවා. ඊට පිළි­ය­මක් නැති ද?

කඳාන _ සරෝ­ජනී

මෙය Morbid Jelousy තත්ත්ව­යක්. මේ ගැන පැහැ­දිලි කිරීම ප්‍රමා­ණ­වත් නැහැ. මෙය විෂා­දය තත්ත්ව­යක් නෙවේ. එහෙත් උප­දේ­ශ­නය, ප්‍රති­කාර සඳහා යොමු­වීම වැද­ගත් බව කිව හැකියි.

පිරි­සක් ඉදි­රි­යට යද්දී චකි­ත­යක් එනවා. හෘදය ස්පන්ද­නය වැඩි­වෙ­නවා. දහ­ඩිය දම­නවා. මෙයට පිළි­ය­මක් කියන්න.

මහ­නු­වර _මධු­සංඛ

ඔබට ඇත්තේ සමාජ භීති­කාව නමැති මාන­සික රෝගී තත්ත්වය. මෙයට වෛද්‍ය ප්‍රති­කාර ගැනීම කළ යුතුයි.

පිරි­මින් කෙරෙහි ලිංගික ආශා­වක් ඇති­වෙන්නේ නැහැ . ඒත්, මගේ වයසේ තරු­ණි­යන්ට ලිංගික ආක­ර්ෂ­ණය ඇති­වෙ­නවා. පිළි­ය­මක් කියන්න.

කුරු­ණෑ­ගල – නිමේෂා

මෙය අසා­මාන්‍ය තත්ත්ව­යක් නෙවෙයි. සම­ලිං­ගි­ක­ත්වය මාන­සික රෝග­යක් ද නොවෙයි. ඔබ සමඟ සාකච්ඡා කළ යුතුයි. මේ තත්ත්වය බොහෝ­අය දකු­ණ­තින් ලියද්දී එක් කෙනෙක් දෙන්නෙක් වම­තින් ලිය­නවා වැනි දෙයක්.

උප­දෙස් – රාගම ශික්ෂණ රෝහලේ මාන­සික රෝග පිළි­බඳ විශේ­ෂඥ වෛද්‍ය
අරුණි අබේ­සිංහ

මනෝජ් රුක්මල් කුමා­ර­සිංහ

****

ඔබේ සෞඛ්‍ය ගැට­ලු­වත් අපට යොමු කරන්න
දින­මිණ, සුව හමුව, ලේක්හ­වුස්, කොළඹ 10 ලිපි­න­යට
news.dinamina@lakehouse.lk