43
කල්මුණේ සිට කොළඹ බලා ධාවනය වූ සුඛෝපභෝගි බස් රථයක් වන්දාරුමුලෙයි නැඟෙනහිර විශ්වවිද්‍යාලය ඉදිරිපිටදී ත්‍රීරෝද රථයක ගැටීමෙන් සිදු වූ අනතුරෙන් විශ්වවිද්‍යාල සිසුන් තිදෙනකු තුවාල ලබා රෝහල්ගත කර තිබේ.
ඉකුත් (14) දින රාත්‍රියේ මෙම අනතුර සිදුව ඇති අතර නැඟෙනහිර විශ්වවිද්‍යාලයේ මහ ශිෂ්‍ය සංගමයේ සභාපතිවරයා, භාණ්ඩාගාරිකවරයා සහ කෘෂි පීඨ ශිෂ්‍ය සංගමේ සභාපතිවරයා මෙසේ තුවාල ලබා ඇත. ඔවුන් ත්‍රිරෝද රථයේ යමින් සිටියදී මේ අනතුරට ලක්ව ඇත. මොවුන් ප්‍රතිකාර සඳහා චෙංකල්අඩි සහ එරාවුර් රෝහල් වෙත ඇතුළත් කර ඇති අතර වැඩිදුර ප්‍රතිකාර සඳහා ඔවුන් පසුව මඩකලපුව ශික්ෂණ රෝහලට මාරු කර යවා තිබේ. අදාළ අනතුර බස් රථයේ සවිකර තිබූ CCTV කැමරාවක සටහන්ව තිබූ අතර ත්‍රිරෝද රථ රියැදුරුගේ අපරික්ෂාකාරී රිය ධාවනය අනතුරට හේතුව වී ඇති බව සඳහන් වේ.
