74
පානදුර පින්වත්ත මුහුදේ අනවසරයෙන් මුහුදු වැලි පටවන ලද ටිපර් රථයක් සමග සැකකරුවන් සිව්දෙනෙකු අද (15) අළුයම අත්අඩංගුවට ගත්බව පින්වත්ත පොලිසිය පවසයි .
මෙසේ අත්අඩංගුවට ගෙන ඇත්තේ පානදුර , පින්වත්ත ප්‍රදේශයේ පදිංචි පුද්ගලයන් සිව්දෙනෙකි.
යුධ හමුදා බුද්ධි අංශ නිළධාරින්ට ලද තොරතුරක් මත පොලිස් නිළධාරින් සමග වැටලීම සිදුකර සැකකරුවන් සිව්දෙනා අත්අඩංගුවට ගෙන වැලි පිරවූ ටිපර් රථය සහ සවල් කිහිපයක් ද පොලිස් භාරයට ගෙන තිබේ .
සැකකරුවන් පානදුර මහේස්ත්‍රාත් අධිකරණයට ඉදිරිපත් කිරිමට නියමිතව ඇත.
