31
ඉන්දියාවේ උත්තර් ප්‍රදේශ් ප්‍රාන්තයේ ප්‍රයාග්රාජ් නුවරදී ආරම්භ වූ ලෝක ආගමික උත්සව අතුරින් වැඩිම බැතිමතුන් පිරිසක් සහභාගි වන විශාලතම ‘කුම්භමේලා‘ උත්සවයේ දෙවැනි දිනය වූ ඊයේ මිලියන ගණනාවක බැතිමතුන් ස්නානය කිරීමේ චාරිත්‍රය ඉටු කළ බව ඉන්දීය මාධ්‍ය වාර්තා කළේය. ලබන පෙබරවාරි මස 26 වැනිදා දක්වා දින 44ක් පුරා මෙවර උත්සවයට ලොව දසදෙසින් කෝටි 40කට වැඩි බැතිමතුන් පිරිසක් සහභාගිවනු ඇතැයි වාර්තා වේ. පාපයෙන් ගැලවීම සඳහා උපකාරි වනු ඇතැයි හින්දු බැතිමතුන්ගේ විශ්වාසයට අනුව ඉදිරි සති කිහිපය තුළ කුම්භමේලා විශේෂ චාරිත්‍ර ඉටු කිරීමට ආගමික නායකයන් හා බැතිමතුන් ප්‍රයාග්රාජ් නුවරට එක්රැස් වනු ඇතැයි ඉන්දීය මාධ්‍ය වැඩිදුරටත් වාර්තා කළේය.
