ඖෂධ පරික්‍ෂා කිරීම සඳහා රට තුළ ප්‍රමාණවත් ඖෂධ පරීක්ෂණාගාර නැතැයි සෞඛ්‍ය හා ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ මහතා පැවසුවේය.
පෙරේදා (12) මහනුවර මල්වතු අස්ගිරි මහනාහිමිවරු බැහැදැකීමට ගිය අවස්ථාවේ වෛද්‍ය අනිල් ජාසිංහ මහතා මාධ්‍ය වෙත අදහස් දක්වමින් මේ බව පවසා ඇත. ගුණාත්මකභාවය තහවුරු වූ ඖෂධ දිවයිනට ආනයනය කළ යුතු බවත් යම්කිසි ආකාරයක ගුණාත්මක බවින් තොර යැයි කියන ඖෂධ පරීක්ෂා කිරීමට සක්‍රිය පර්යේෂණාගාර තිබිය යුතු බවත් ලංකාව තුළ දැනට පවතින්නේ එක් පර්යේෂණාගාරයක් බවත් නව පර්යේෂණාගාර එකක් හෝ දෙකක් ස්ථාපිත කිරීමට රජයේ අවධානය යොමු වී ඇති බවත් එහිදී ලේකම්වරයා කීවේය.
අසාදුගත ලේඛනයක තිබෙන සමාගමකින් ඖෂධ ගෙන්විය නොහැකි අතර එය සොයා බැලිය යුතු කාරණයක් බවත් එහිදී මාධ්‍යවේදියෙක් නැඟූ ප්‍රශ්නයකට පිළිතුරු ලබා දෙමින් ලේකම්වරයා වැඩිදුරටත් පවසා ඇත.
තරුෂි අධිකාරි
