නව වසරට ආශීර්වාද පතා පාදුක්ක සතිපොළේදී පිරිත් සජ්ඣායනාවක් හා දානමය පින්කමක්

2025 වර්ෂයට ආශීර්වාද පතා පාදුක්ක සතිපොළේ වෙළෙඳ ප්‍රජාවගේ දායකත්වයෙන් සංවිධානය කළ, පිරිත් සජ්ඣායනාවක් සහ දානමය පින්කමක් ඉකුත් 8 සහ 9 වැනි දිනවල පාදුක්ක සතිපොළ පරිශ්‍රයේදී පැවැත්වුණි.

පාදුක්ක, මොරගහතැන්න ශ්‍රී මහා විහාරාධිපති බෙරන්නාවේ විමල හිමියෝ ප්‍රමුඛ මහා සංඝරත්නය විසින් පෙරේදා (08) රාත්‍රී පිරිත් සජ්ඣායනාව සිදුකරන ලදි.

පසු දින (09) පෙරවරු මහා සංඝරත්නය වෙනුවෙන් දානමය පින්කමක් ද පැවැත්වුණි.

එම අවස්ථාවට මොරගහතැන්න ශ්‍රී මහා විහාරාධිපති බෙරන්නාවේ විමල හිමියෝ ඇතුළු මහා සංඝරත්නය ද, පාදුක්ක සතිපොළේ වෙළෙඳ ප්‍රජාව ද සහභාගි වූහ.