ඉසු­රු­පාය ළඟ උද්ඝෝ­ෂ­ණ­යේදී පොලී­සිය කැපුවේ ‘වීර­කැ­ටියේ නෙල්සන් හාමු’

රජයේ පාස­ල්වල දැනට ගුරු­ව­රුන් ලෙස සේවයේ නියු­ක්තව සිටින සංව­ර්ධන නිල­ධා­රීන්ව ගුරු සේව­යට අන්තර් ග්‍රහ­ණය කරන ලෙස ඉල්ලා ඉසු­රු­පාය අධ්‍යා­පන අමා­ත්‍යාං­ශය ඉදි­රි­පිට පැවති උද්ඝෝ­ෂ­ණය අත­ර­තුර පොලිස් නිල­ධා­රීන් තිදෙ­නකු තියුණු ආයු­ධ­ය­කින් කපා තුවාල කළ ප්‍රධාන සැක­කරු තලං­ගම පොලී­සිය මඟින් පෙරේදා (07) අත්අ­ඩං­ගු­වට ගෙන ඇත.

කඩු­වෙල මහේ­ස්ත්‍රාත් අධි­ක­ර­ණ­යට මෙම සැක­කරු ඉදි­රි­පත් කිරී­මෙන් අන­තු­රුව හඳුනා ගැනීමේ පෙර­ට්ටු­වක් දක්වා ලබන 15 වැනිදා දක්වා රක්ෂිත බන්ධ­නා­ගා­ර­ගත කළ බව නුගේ­ගොඩ කොට්ඨා­සය භාර ජ්‍යෙෂ්ඨ පොලිස් අධි­කාරී මංගල දෙහි­දෙ­ණිය මහතා සඳ­හන් කළේය.

වීර­කැ­ටිය කටු­වැව අර­ලිය උයනේ පදිං­චි­ක­රු­වකු වන මෙම සැක­කරු වයස අවු­රුදු 42ක් වන නෙල්සන් හාමු නමැති අය බව පොලී­සිය සඳ­හන් කරයි.

වීර­කැ­ටියේ පාස­ලක සේවයේ නිර­තව සිටින මෙම සැක­කරු අත්අ­ඩං­ගු­වට ගැනී­මට අවස්ථා කිහි­ප­ය­ක­දීම පොලී­සිය ඔහු පදිංචි නිවෙ­ස­ටත් පාස­ල­ටත් ගිය බව මංගල දෙහි­දෙ­ණිය මහතා කීය. දිගින් දිග­ටම පොලී­සිය ඔහු සොයා වැට­ලීම් කර­මින් සිටි­යදී පෙරේදා (07) නීති­ඥ­ව­ර­යකු සමඟ පොලිස් ස්ථාන­යට භාර­වී­මෙන් අන­තු­රුව අත්අ­ඩං­ගු­වට ගත් බව ද මංගල දෙහි­දෙ­ණිය මහතා පැව­සීය.

උද්ඝෝ­ෂ­ණය අත­ර­තුර තියුණු ආයු­ධ­ය­කින් පොලිස් නිල­ධා­රීන් තිදෙනා කැපී­මට සම්බන්ධ ප්‍රධාන සැක­කරු ලෙස මෙම පුද්ග­ල­යාව හඳු­නා­ගෙන සිටි බව ද මංගල දෙහි­දෙ­ණිය මහතා සඳ­හන් කළේය.  උද්ඝෝ­ෂ­ණය අත­ර­තුර පොලිස් ජීප් රථ­යක් ඉදි­රි­පිට බිම දිගාවී කල­හ­කාරී ලෙස හැසි­රුණේ ද මෙම පුද්ග­ලයා බව පොලී­සිය සඳ­හන් කළේය.  පැල­වත්ත ඉසු­රු­පාය අධ්‍යා­පන අමා­ත්‍යාං­ශය ඉදි­රි­පි­ටදී පාසල් සඳහා අනු­යුක්ත කර ඇති සංව­ර්ධන නිල­ධා­රීන් තමන්ව රජයේ පාස­ල්වල ගුරු­ව­රුන් ලෙස අන්ත­ර්ග්‍ර­හ­ණය කරන ලෙස ඉල්ල­මින් උද්ඝෝ­ෂ­ණයේ නිරත වන්නේ පසු­ගිය 02 වැනි­දාය. සාම­කා­මීව පැවති මෙම උද්ඝෝ­ෂ­ණය පසුව නොස­න්සුන් තත්ත්ව­යක් දක්වා වර්ධ­නය වෙමින් ආර­ක්ෂා­වට සිටි පොලිස් නිල­ධා­රීන් සමඟ උද්ඝෝ­ෂ­ණයේ නිරත වූ පිරිස් ගැටෙන තැනට පත්විය. එහිදී උප පොලිස් පරී­ක්ෂ­ක­ව­ර­යකු සහ පොලිස් කොස්තා­ප­ල්වරු දෙදෙ­නකු උද්ඝෝ­ෂ­ක­යන් අතර සිටි අයකු විසින් තියුණු ආයු­ධ­ව­ලින් කපා තුවාල කර තිබිණි. මේ සම්බ­න්ධ­යෙන් දීර්ඝ ලෙස පොලී­සිය මඟින් කළ පරී­ක්ෂ­ණ­ව­ලින් සහ මෙදින මෙම උද්ඝෝ­ෂ­ණය වීඩි­යෝ­ගත කළ පුද්ග­ල­යන්ගේ වීඩියෝ දර්ශන ලබා­ගෙන කළ සියුම් පරී­ක්ෂා­වේදී පොලිස් නිල­ධා­රීන්ව තියුණු ආයු­ධ­ය­කින් කපා තුවාල කළ පුද්ග­ලයා හඳුනා ගැනී­මට පොලී­සිය සමත් වී ඇත.

උද්ඝෝ­ෂ­ණය පැවති දින පොලී­සිය සැක­පිට සිවු­දෙ­නකු අත්අ­ඩං­ගු­වට ගෙන තිබිණු අතර දෙසැ­ම්බර් 14 වැනිදා තවත් තිදෙනෙක් අත්අ­ඩං­ගු­වට ගැනී­මට තලං­ගම පොලී­සිය සමත් විය.