කැනඩා අග්‍රාමාත්‍ය ජස්ටින් ටෲඩෝ තම තනතුරින් ඉල්ලා අස්වන බව ප්‍රකාශ කර තිබේ.
ඔහුගේ ලිබරල් පක්ෂයේ නායකයා ලෙස ඉදිරි කාල සීමාව තුළ තවදුරටත් ක්‍රියා නොකරන බව ඔහු ඊයේ දිනයේ නිවේදනය කර ඇත.
තම පක්ෂයේ තුළින් ඔහුට එරෙහිව ඇති වී ඇති පීඩනකාරිත්වය යටතේ තමන් මෙම පියවර ගත්බව, ඔහු ප්‍රකාශ කර ඇතැයි විදෙස් මාධ්‍ය වාර්තා කරයි.
අගමැතිවරයාගේ දේශපාලනික ක්‍රියාකලාපය සහ ඔහු මුහුණ පා සිටින වත්මන් අර්බුදකාරී තත්වය හේතුවෙන් දේශපාලනික වශයෙන් රට තුළ දැඩි අස්ථාවර බවක් උද්ගතව තිබීම මීට හේතුවී ඇති බව විදෙස් මාධ්‍ය වාර්තා සඳහන් කරයි.
ටෲඩෝ, වසර 9 ක් තුළ දූර කාල දෙකක්, කැනඩාවේ අගමැතිවරයා ලෙස ක්‍රියා කළේය.
ඔහුගේ පාලනයේ සිදුවූ ගැටලු සහගත තත්වයන් හා අගමැතිවරයාගේ රාජකාරි ස්වභාවයේ දුර්වලතා වැනි සියලු දේ මත ඔහුට සිය පක්ෂයේ සහයෝගය තවදුරටත් නොලැබී යාමට හේතුවී ඇති බව වාර්තාවේ.
කෙසේ වෙතත්, තම පක්ෂයට නව නායකයෙකු තෝරා ගන්නා තෙක්, තමා ධූර කාලයේ රැඳී සිටින බව ටෲඩෝ ප්‍රකාශ කර ඇත.
මොහු වරින් වර ශ්‍රී ලංකාව සම්බන්ධයෙන් සහ ඉන්දියාව සම්බන්ධයෙන් ද මතභේදාත්මක ප්‍රකාශ නිකුත් කළ අගමැතිවරයෙකි.
