Home » නව පත් කිරීම් කිහිපයක් ගැන කථානායක පාර්ලිමේන්තුව නිවේදනය කරයි

නව පත් කිරීම් කිහිපයක් ගැන කථානායක පාර්ලිමේන්තුව නිවේදනය කරයි

by yasara
January 7, 2025 12:29 pm 0 comment

පාර්ලිමේන්තු කටයුතු පිළිබඳ කාරක සභාවේ සේවය කිරීම සඳහා නව මන්ත්‍රීවරුන් තිදෙනෙකුගේ නම් සහ රජයේ මුදල් පිළිබඳ කාරක සභාවේ සේවය කිරීම සඳහා නව මන්ත්‍රීවරුන් සිව් දෙනෙකුගේ නම්  කථානායක වෛද්‍ය ජගත් වික්‍රමරත්න මහතා විසින් අද (07) පාර්ලිමේන්තුවට නිවේදනය කළේය.

මේ අනුව පාර්ලිමේන්තු කටයුතු පිළිබඳ කාරක සභාවේ සේවය කිරීම සඳහා තේරීම් කාරක සභාව විසින් පාර්ලිමේන්තු මන්ත්‍රීවරුන් වන  (මහාචාර්ය) අනිල් ජයන්ත,  ගමගෙදර දිසානායක,  ගයාන් ජනක යන මහත්වරුන් නම් කරන ලද බව  කථානායකවරයා විසින් පාර්ලිමේන්තුවට නිවේදනය කළේය.

තවද පාර්ලිමේන්තුවේ ස්ථාවර නියෝග 121 හි විධිවිධාන සහ 2024 දෙසැම්බර් 06 දින පාර්ලිමේන්තුව විසින් සම්මත කරන ලද යෝජනාව ප්‍රකාරව, රජයේ මුදල් පිළිබඳ කාරක සභාවේ සේවය කිරීම සඳහා  චතුරංග අබේසිංහ, ෂානක්කියන් රාජපුත්තිරන් රාසමාණික්කම්,  (ආචාර්ය) කෞෂල්‍යා ආරියරත්න,  අර්කම් ඉල්යාස් යන පාර්ලිමේන්තු මන්ත්‍රීවරුන් නම් කරන ලද බවද කථානායකවරයා විසින් පාර්ලිමේන්තුවට නිවේදනය කරන ලදි.

එසේම ශ්‍රී ලංකා දේශගුණ පාර්ලිමේන්තු සංසදය සහ විවෘත පාර්ලිමේන්තු මූලා‍රම්භයන් සඳහා වන පාර්ලිමේන්තු සංසදය යන පාර්ලිමේන්තු සංසද දෙක දසවැනි පාර්ලිමේන්තුව සඳහා නැවත ස්ථාපනය කිරීම සම්බන්ධයෙන් වූ

යෝජනාවට 2024 දෙසැම්බර් 31 දින පැවති පාර්ලිමේන්තු කටයුතු පිළිබඳ කාරක සභාවේ අනුමතිය හිමි වූ බව ද කථානායකවරයා විසින් පාර්ලිමේන්තුවට නිවේදනය කරන ලදි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT