ජනපති මන්දිරයේ විශේෂ චාරිත්‍ර සම්මාන මුරය නාවික හමුදාවට

ගාලුමුවදොර ජාතික ධජය එසවීම සහ ජනාධිපති මන්දිරයේ විශේෂ චාරිත්‍ර සම්මාන මුරය නාවික හමුදාව භාර ගනියි.ගාලුමුවදොර ජාතික ධජය එසවීම හා ජනාධිපති මන්දිරයේ විශේෂ චාරිත්‍ර සම්මාන මුරය සම්බන්ධ රාජකාරී ශ්‍රී ලංකා යුද හමුදාව වෙතින් නාවික හමුදාව වෙත භාර ගැනීම දෙසැම්බර් මස 31 වැනි දින සහ පෙරේදා (ජනවාරි 01) කොළඹ ගාලුමුවදොරදී සහ නාවික හමුදා මූලස්ථානයේදී සිදු කෙරිණි.ඉදිරි මාස 3ක කාලසීමාවක් මේ ගාලුමුවදොර ජාතික ධජය එසවීමේ හා ආචාර සමාචාර සිදු කිරීමේ රාජකාරී සහ ජනාධිපති මන්දිරයේ විශේෂ චාරිත්‍ර සම්මාන මුරයේ රාජකාරී ශ්‍රී ලංකා‍ නාවික හමුදාව විසින් සිදු කරන අතර මේ විශේෂ රාජකාරී අධීක්‍ෂණය ශ්‍රී ලංකා‍ නාවික පරාක්‍රම ආයතනයේ අණදෙන නිලධාරී විසින් සිදු කරනු ඇත.