රාහු කාලය
දහවල් 10.47 – 12.15 දක්වා
රාත්‍රී 10.43 – 12.15 දක්වා
දිව්‍යමය සුබ මුහුර්ත
ගමන් යාමට
උදේ 5.25ට උතුර බලා
උදේ 07.01ට උතුර බලා
ලොතරැයි මිලදී ගැනීමට
උදේ 8.21 ට උතුර බලා
උදේ 09.00ට උතුර බලා
පැළ සිටුවීමට
උදේ 10.27ට උතුර බලා
සවස 4.41ට උතුර බලා
මේෂ
තීන්දු තීරණ සාර්ථක වේ
ඔබ ගත් බොහෝ තීන්දු තීරණ සාර්ථක කර ගැනීමට හැකිවේ. සිතට නිදහස සතුට මතුවේ. හුදෙකලාවම කටයුතු කිරීමට ප්‍රියතාව දක්වයි.
වෘෂභ
සමාජ කටයුතු කෙරෙන් ප්‍රශංසා
බොහෝ අසීරු කටයුතු සරලව ජය ගැනීමට අවස්ථාව උදාවේ. පිටරටකට හෝ දුර බැහැර ගමන් යෙදේ. පොදු සමාජ කටයුතු සාර්ථක ලෙස නිමකොට ඒ තුළින් වරප්‍රසාද හා ප්‍රශංසා ලැබීමට ද සමත් වේ.
මිථුන
අතමිට සරුවේ
ව්‍යාපාර සපල වේ. තමා කරගෙන ආ ව්‍යාපාරවලට අමතර අලුත් ආදායම් මාර්ග පෑදෙනු ඇත. පොදු අරමුණු ඉටුකර ගැනීමට කටයුතු කරයි. අතමිට සරුවේ.
කටක
රැකියාවේ යහපත්කම්
රැකියාවේ ප්‍රවර්ධනයක් හා තනතුරුවල උසස් වීමක් විය හැකියි. වාහන, ඉඩම්, නිවාස හිමිකම් ද රාජකාරියට අදාළ නිල නිවාස හිමි වීමක් ද දක්නට ලැබේ.
සිංහ
පුණ්‍යවන්ත දේට සිත යොමයි
පුණ්‍යවන්ත දිනකි. පොදු අරමුණු ජය ගනී. නිවසේ නිතර දෙවේලේ දානමාන කටයුතු කෙරේ යොමු වෙයි. දුරබැහැර වන්දනා ගමන්වලට වැඩි ඉඩක් යොදා ගනියි.
කන්‍යා
තුනටියට අපලයි
එදිනෙදා ගමන් බිමන්වලදී ප්‍රවේසම් විය යුතුයි. හදිසි අනතුරු නිසා තුනටියට අපලයි. ආරවුල්වලට පමුණුවයි. දානමාන කටයුතුවලට හුරු විය යුතුයි. අන් අයට පිහිට විය යුතුයි.
තුලා
මංගල යෝග
මංගල යෝග උදාවේ. සමාජයේ කැපීපෙනෙන චරිත බවට පත්වේ. දුර බැහැර ගමන් හා අතමිට හිඟ වන ආකාරයේ කටයුතු කෙරේ යොමු වේ.
වෘශ්චික
නීති ගැටලු
තමා පිළිබඳ සමාජගත වන වැරදි මතයක් දුරු කිරීමට උත්සාහ ගැනීමට සිදු වේ. තමාට එරෙහි අයකු සමඟ මතවාද ඇතිකර ගනිමින් නීති ගැටලුවලට පවා මුහුණ දීමට සිදු වේ.
ධනු
නව ආයෝජන
තම පවුලේ සමඟිය, සමාදානය ආරක්ෂා වෙයි. අසල්වාසී අය සමඟ උරෙනුර ගැටී කටයුතු කිරීමට යොමුවනු ඇත. අතට මිල මුදල් ලැබේ. නව ආයෝජනවලින් ආර්ථික ශක්තිය උදාවේ.
මකර
දේපළ හිමිකම්
දේපළ හිමිකම, වාහන හිමිකම මෙන්ම නිතර මිල මුදල් අත ගැවසීම සිදු වේ. කාර්යබහුලතාවක් දක්නට ලැබෙන අතර සමාජ සුබසාධන කටයුතු කෙරේ ද නිතර සිත යොමු වනු ඇත.
කුම්භ
සමාජයේ කැපී පෙනෙයි
සමාජ පිළිගැනීමට ලක්වේ. කැපී පෙනෙන චරිතයක් බවට පරිවර්තනය වේ. මූල්‍යමය පාඩු සිදුවිය හැකි වෙතත් එතරම් පසුතැවීමට හේතු නොවේ.
මීන
හදිසි ධන ලාභ
හදිසි ධන ලාභ මතු වේ. මැණික් ව්‍යාපාරවල උසස් ප්‍රතිලාභ හිමි වේ. වැවිලි ක්ෂේත්‍රයේ අයකු නම් පලදාව උසස් වේ. උගුරේ, තුනටියේ ආපදා මතුවිය හැකිය.
