අගමැති හරිනි, මන්මෝහන් සිං වෙනුවෙන් සොව පළ කරයි

අභාවප්‍රාප්ත ඉන්දිය හිටපු අගමැති ආචාර්ය මන්මෝහන් සිං මහතාට අවසන් ගෞරවය දැක්වීම සඳහා ශ්‍රී ලංකාවේ පිහිටි ඉන්දීය මහ කොමසාරිස් කාර්යාලය විසින් විවෘත කරන ලද ශෝක ප්‍රකාශ පොතෙහි සටහනක් තබමින් අග්‍රාමාත්‍ය ආචාර්ය හරිනි අමරසූරිය සිය ගෞරවය ප්‍රකාශ කිරීම අද (30) කොළඹ 03, ගාලු පාරේ, පිහිටි ඉන්දීය මහ කොමසාරිස් කාර්යාලයේ දී සිදු කළාය.

ආචාර්ය මන්මෝහන් සිං මහතා වෙනුවෙන් ගෞරව දැක්වීමක් ලෙස , 2024 දෙසැම්බර් 26 සිට 2025 ජනවාරි 1 දක්වා පුරා දින හතක් ඉන්දියාව රජයේ ශෝක කාලය ලෙස ප්‍රකාශයට පත් කර ඇත. ඊට සමගාමීව ශ්‍රී ලංකාවේ පිහිටි ඉන්දීය මහ කොමසාරිස් කාර්යාලය විසින් අද(30) සිට 2025 ජනවාරි 01 දක්වා ශෝක පොත විවෘතව තබනු ලැබේ.