වයස අවුරුදු 13න් පහළ පළමු කොටසේ අන්තර් පාසල් ක්‍රිකට් තරගාවලියේ අවසන් පූර්ව වටයට සුදුසුකම් ලැබීමට රත්ගම දේවපතිරාජ විද්‍යාලය සමත් විය. බණ්ඩාරගම මහජන ක්‍රීඩාංගණයේදී පෙරේදා පැවති අර්ධ අවසන් පූර්ව තරගයේදී කොළඹ තර්ස්ටන් විද්‍යාලයට එරෙහිව රත්ගම දේවපතිරාජ විද්‍යාලය පළමු ඉනිමේ ජයක් ලැබීය.
රත්ගම දේවපතිරාජ විදුහලේ දෙනෙත් දිනුක පන්දු 79කදී හතරේ පහර 6ක් සහ හයේ පහර 2ක් සමඟින් නොදැවී ලකුණු 60ක් රැස් කළේය. මෙනෙත් සංකලණ පන්දු 70කදී හතරේ පහර 2ක් සහ හයේ පහරක් සමඟින් නොදැවී ලකුණු 27ක් රැස් කළ අතර ලකුණු 27කට කඩුලු 4ක් ද බිඳ හෙළීය. රත්ගම දේවපතිරාජ විද්‍යාලය අවසන් පූර්ව තරගයේදී ගාල්ල රිච්මන්ඩ් විද්‍යාලය හමුවීමට නියමිතව ඇති අතර, කොළඹ ඩී.එස්.සේනානායක විද්‍යාලය සහ මීගමුව මාරිස්ටෙලා විද්‍යාලය අතර තරගය පැවැත්වේ.
රත්ගම දේවපතිරාජ විද්‍යාලය: පළමු ඉනිම – 151/7 (ඕවර් 50) දෙනෙත් දිනුක නොදැවී 60, මෙනෙත් සංකලණ 27, තෙවින් ගුණතිලක 17/3, ගගන මහතන්තිල 30/2
කොළඹ තර්ස්ටන් විද්‍යාලය: පළමු ඉනිම – 117 (ඕවර් 43.4) පදුම වීරරත්න 35, මෙනෙත් සංකලණ 27/4, අධීෂ ගෞතම් 13/3, දෙනුවන් යෝෂිත 20/2
