කන්තලේ වැවේ වාන් දොරටු විවෘත කෙරේ

ජල පෝෂක ප්‍රදේශවලට ඇදහැලෙන අධික වර්ෂාව හේතුවෙන් ත්‍රීකුණාමලය දිස්ත්‍රික් විශාලතම වාරි පද්ධතිය වන කන්තලේ වැවේ  වාන් දොරටු 04ක් අඩිය බැගින් අද (17) විවෘත කළ බව වාරිමාර්ග දෙපාර්තමේන්තුව පවසයි.

වැවේ උපරිම ජල ධාරිතාවය අක්කරයට අඩි 114000ක් වන අතර විවෘත කරන ලද වාන් දොරටු හතරෙන් තත්පරයට ඝන අඩි 700 ක ජල ධාරිතාවක් වාන්ඇල වෙත මුදාහැරිමට කටයුතු කරන බව කන්තලේ ජලාශය භාර ප්‍රාදේශීය වාරිමාර්ග ඉංජිනේරු චින්ත එස් සුරවීර මහතා පවසයි.