ශ්‍රී ලංකාවේ මහජන උපයෝගිතා කොමිෂන් සභාව විසින් සකස් කරන ලද විදුලි ගාස්තු සංශෝධන ප්‍රති-ඉදිරිපත් කිරීම පිළිබඳ මහජන අදහස් විමසීම අද(17) සිට ආරම්භ වේ.
මෙම ප්‍රති-ඉදිරිපත් කිරීම සකස් කර ඇත්තේ ලංකා විදුලිබල මණ්ඩලය විසින් ඉදිරිපත් කරන ලද මුල් විදුලි ගාස්තු යෝජනාව, ලංකා ඛනිජ තෙල් නීතිගත සංස්ථාව විසින් ඉදිරිපත් කරන ලද විදුලි උත්පාදනය සඳහා ඉන්ධන මිල පිළිබඳ වාර්තාව සහ අනෙකුත් අදාළ කරුණු අධ්‍යයනය කිරීමෙන් අනතුරුව ය.
ලිඛිතව අදහස් සහ යෝජනා ජනවාරි 8 වන දින දක්වා පිළිගනු ලබන අතර, පළාත් මට්ටමින් පැවැත්වෙන සැසි නවයක් හරහා වාචික අදහස් එක්රැස් කරනු ලබන බව ශ්‍රී ලංකා මහජන උපයෝගිතා කොමිෂන් සභාව නිවේදනය කරයි.
යෝජනාව පිළිබඳ ලිඛිත අදහස් info@pucsl.gov.lk යන විද්‍යුත් තැපැල් ලිපිනයට යැවිය හැකිය.
මහජනතාවට යෝජිත විදුලි ගාස්තු පිළිබඳ ලිඛිත අදහස් 076 427 10 30 යන WhatsApp අංකයට ද ඉදිරිපත් කළ හැකිය.
මීට අමතරව, තැපෑලෙන් ද යෝජනා මහජන උපයෝගිතා කොමිෂන් සභාවට ඉදිරිපත් කළ හැකිය.
කෙසේ වෙතත්, ලංකා විදුලිබල මණ්ඩලය 2025 වසරේ මුල් මාස හය තුළ වත්මන් විදුලි ගාස්තු පවත්වාගෙන යාමට යෝජනා කර ඇත.
