39
පාලන මිලට වැඩියෙන් සහල් අලෙවි කළ වෙළෙඳුන් 300කට අධික පිරිසක් නීතියේ රැහැනට හසුකර ගෙන ඇතැයි පාරිභෝගික සේවා අධිකාරිය පැවසීය. පසුගිය 10 වැනිදා සිට මේ දක්වා සිදුකළ වැටලීම්වලින් මෙම පිරිස හසුකරගත් බව එම අධිකාරියේ තොරතුරු අධ්‍යක්ෂ අසේල බණ්ඩාර මහතා ප්‍රකාශ කළේය. ඒ අනුව ඔවුන්ට එරෙහිව නඩු පැවරීමේ කටයුතු අද (16) සිට ආරම්භ කරන බවත් ඔහු වැඩිදුරටත් අදහස් දක්වමින් පැවසීය. මෙවැනි සිද්ධීයන් වෙතොත් වහාම අධිකාරිය දැනුම්වත් කරන ලෙස ද ඒ මහතා පාරිභෝගිකයන්ගෙන් ඉල්ලා සිටියි.
සුභාෂිණී සේනානායක
