පාරිභෝගික කටයුතු පිළිබඳ අධිකාරියේ ගම්පහ දිස්ත්රික් විමර්ශන ඒකකය මඟින් කැලණිය ප්‍රදේශයේ පවත්වාගෙන යනු ලබන ගබඩාවක තිබී ඇසුරුම් කළ දිනය, භාවිත කළ යුතු කාල සීමාව යන කිසිදු තොරතුරක් නොමැති කොල්ලු කිලෝ 30ක් බැගින් වූ ඇසුරුම් 100ක් නිලධාරීන් භාරයට ගනු ලැබූ බව පාරිභෝගික කටයුතු පිළිබඳ අධිකාරිය සඳහන් කරයි.
එම කොල්ලු තොගයෙහි වටිනාකම රුපියල් ලක්ෂ 10 කට අධික බව එම අධිකාරිය පවසයි.
මේ සම්බන්ධයෙන් නීතිමය පියවර ගැනීමට ඉදිරියේදී කටයුතු කරනු ලබන අතර උත්සව සමය ඉලක්ක කරගෙන මෙවැනි භාණ්ඩ වෙළෙඳපොළට නිකුත් කිරීම කටයුතු කරන පුද්ගලයන් සම්බන්ධයෙන් සැලකිලිමත් වන ලෙසත් එවැනි තොරතුරු වෙතොත්, 1977 කෙටි දුරකතන අංකය වෙත දැනුම් දෙන ලෙසත් වෙළෙඳ ප්‍රජාවගෙන් මෙන්ම පාරිභෝගික ජනතාවගෙන් ද පාරිභෝගික කටයුතු පිළිබඳ අධිකාරිය ඉල්ලා සිටියි.
