‘කලාකරු සුවදම්’ වැඩසටහන යටතේ අසනීප තත්ත්වයෙන් පසුවන ප්‍රවීණ කලාකරු, කලාසූරී සතිස්චන්ද්‍ර එදිරිසිංහ මහතාගේ සුවදුක් බැලීම සඳහා කැලණිය ප්‍රාදේශීය ලේකම් ඒ.ඒ.ඩී.සී. නදීෂානි අමරසිංහ මහත්මිය ඇතුළු එම කාර්යාලයේ නිලධාරීන් පිරිසක් පසුගියදා කැලණිය, නුංගමුගොඩ පිහිටි ඒ මහතාගේ නිවෙසට පැමිණියහ.
සංස්කෘතික දෙපාර්තමේන්තුව මඟින් ක්‍රියාත්මක කරනු ලබන මෙම වැඩසටහනේ අරමුණ වනුයේ වයෝවෘද කලාකරුවන් වෙත ගොස් ඔවුන්ගේ සුවදුක් බලා ඔවුන් සතුටට පත් කිරීමයි. මෙම අවස්ථාවට කැලණිය බෞද්ධ කටයුතු සමායෝජක කන්දේගම නාරද හා එඬේරමුල්ලේ ධම්මසිද්ධි යන ස්වාමීන් වහන්සේ, සහකාර ප්‍රාදේශීය ලේකම් එම්. භාග්‍යා, එම්. අතුකෝරාල, සංස්කෘතික නිලධාරීන් වන සුජීව වික්‍රමනායක හා සුජීවා වර්ණසූරිය යන මහත්ම මහත්මීන් ඇතුළු නිලධාරීහු සහභාගී වූහ.
