බකමූණ නගරයේ ඉදිකර ඇති ඔරලෝසු කණුව දිරාපත් වී ඇති අතර කොයිමොහොතක හෝ කඩා වැටී ජීවිත හානියක් සිදුවිය හැකි බව බකමූණ නගර වැසියෝ පවසති.
ඇළහැර ප්‍රදේශීය සභාව ආසන්නයේ ඇති බකමූණ නගරයේ පිහිටි මෙම ඔරලෝසු කණුව ක්‍රියාවිරහිතව කණුව දිරාපත්වී අවුරුදු පහක පමණ කාලයක් ගතවුවද මේ වනතෙක් මෙම ඔරලෝසු කණුව අලුත්වැඩියා කිරීමට ඇළහැර ප්‍රාදේශීය සභාව හෝ රාජ්‍ය ආයතනවල බලධාරීන් මෙතෙක් කිසිදු පියවරක් ගෙන නොමැති බව ද නගරවැසියෝ චෝදනා කරති.
කොයි මොහොතක හෝ කඩා වැටීමට ඇති ඔරලෝසු කණුව අලුත්වැඩියා නොකිරීම පිළිබඳව ඇළහැර ප්‍රදේශීය සභාවේ නිලධාරියකුගෙන් විමසූ විට කියා සිටියේ ඇළහැර ප්‍රදේශීය ලේකම් කාර්යාලයේ පැවැත්වෙන සංවර්ධන කමිටු රැස්වීමේදී සාකච්ඡා කර ඔරලෝසු කණුව අලුත්වැඩියා කරනවා ද නැතහොත් කඩා ඉවත් කරනවා ද යන්න සාකච්ඡා කරන බවයි.
