අමරපුර චූලගණ්ඨි මහා නිකායේ ජ්‍යෙෂ්ඨ අනුනායක, අහුන්ගල්ල මරදාන ශ්‍රී පුලිනතලාරාම විහාරාධිපති වැලිතර අමරනන්ද අනුනාහිමියන්ගේ 66 වැනි ජන්ම දිනය නිමිත්තෙන් පින්කම් මාලාවක් එම විහාරස්ථානයේ දී පෙරේදා (26) පැවැත්විණි. එහිදී සංඝයා වහන්සේලා හැත්තෑ නමක් විෂයෙහි සංඝගත දක්ෂිණාවක් ද සිදු කෙරිණි.
හිටපු ජනාධිපති ගෝඨාභය රාජපක්ෂ මහතා සහ හිටපු ආරක්ෂක ලේකම් කමල් ගුණරත්න මහතා ඇතුළු පිරිසක් සහභාගි වූ අතර, ගෝඨාභය රාජපක්ෂ මහතා ද දන් පිළිගැන්වීය. ධර්ම පූජාව වශයෙන් සියලුම භික්ෂූන් වහන්සේලාට රෙදි සෝදන යන්ත්‍රය බැගින් පූජා කිරීම ද මෙහිදී සිදු විය. හිටපු ජනාධිපති ගෝඨාභය රාජපක්ෂ මහතා දන් පිළිගැන්වූ අයුරු සහ අමරපුර සිරි සද්ධම්මවංස මහා නිකායේ ප්‍රධාන සංඝනායක කොස්ගොඩ ඤාණිස්සර නාහිමියන් වෙත වැලිතර අමරනන්ද අනුනාහිමියන් රෙදි සෝදන යන්ත්‍රය ප්‍රදානය කළ අයුරු මෙහි දැක්වේ.
