22
හැටන් නගර මධ්‍යයේ පදික වේදිකාව අවහිර කරමින් යොදා තිබූ දැලක් ගලවා ඉවත් කිරීමට හැටන් පොලීසියේ රථ වාහන අංශයේ නිලධාරීහු පෙරේදා (26) පියවර ගත්හ. පදික වේදිකාවේ විදුලි රැහැන් සහිත කණුවක් ඉදි කර ඇති අතර, එම කණුව සහ ඒ ආසන්නයේ පිහිටි පාවහන් අලෙවිසැලක් එකිනෙක එක් වන සේ මෙම දැල සවි කර තිබුණි. දැල සවි කර තිබීම නිසා පදික වේදිකාවේ ගමන් කරන පදිකයින්ට කුඩා ඉඩ ප්‍රමාණයකින් එම ස්ථානය පසුකර යාමට සිදු වන බැවින් ඒ පිළිබඳව පදිකයින් විසින් හැටන් පොලීසියට කරන ලද දැනුම්දීමක් මත එය ඉවත් කිරීමට පියවර ගෙන ඇත. පාවහන් අලෙවිසල් හිමියා එම දැලෙහි අලෙවි කිරීමට ඇති පාවහන් ප්‍රදර්ශනය කර තිබූ බව පොලීසිය පවසයි.
