33
කළුතර මාළු දැලකට අඩි 10ක් පමණ දිග කිඹුලෙක් පෙරේදා (26) පස්වරුවේ පැටලී ඇති බව කළුතර දකුණ පොලීසිය පවසයි.
කළුතර ප්‍රදේශයේ ධීවරයෙකුගේ මත්ස්‍ය දැලකට මෙම කිඹුලා පැටලී ඇත.
කළුතර දකුණ දුම්රිය ස්ථානය ඉදිරිපිට මුහුදු වෙරළ තීරයට දැල ගොඩගසා තිබූ අතර, එහි පැටලී සිටි කිඹුලාව ධීවරයන් දස දෙනෙක් පමණ එක්ව කඹ ආධාරයෙන් නිරුපද්‍රිතව ගොඩගැනීමට කටයුතු කර තිබුණි. හික්කඩුව වනජීවී කාර්යාලය දැනුවත් කළ බවත් කිඹුලා රැගෙන යෑමට ඔවුන් පැමිණීමට නියමිතව ඇති බවත් පොලීසිය සඳහන් කළේය.
