කැලණිය විශ්වවිද්‍යාලයීය මානව සම්පත් කළමනාකරණ අධ්‍යයන අංශයේ ‘AHEAD’ ශිෂ්‍ය සංගමයෙන් ‘HR Impelz -24’ නමින් සංවිධාන කළ ක්‍රීඩා දිනය, ඉකුත් 21 වැනි දින විශ්වවිද්‍යාලයීය සයිබර් ක්‍රීඩාංගණයේදී අති උත්කර්ෂවත් අයුරින් පැවැත්විණි. එහි ප්‍රධාන ආරාධිත අමුත්තන් ලෙස වාණිජ හා කළමනාකරණ අධ්‍යයන පීඨයේ පීඨාධිපති මහාචාර්ය බණ්ඩාර වන්නිනායක, වාණිජ හා කළමනාකරණ අධ්‍යයන අංශයේ ජ්‍යෙෂ්ඨ ශිෂ්‍ය උපදේශක මහාචාර්ය කමල් තිලකසිරි, මානව සම්පත් කළමනාකරණ අධ්‍යයන අංශයේ අංශාධිපතිනී සරෝජා වනිගසේකර මහත්ම මහත්මීන් ඇතුළු එම අධ්‍යයන අංශයේ කථිකාචාර්ය මණ්ඩලය සහභාගී වූහ.
ක්‍රීඩාව තුළින් විද්‍යාර්ථීන්ගේ ශාරීරික කුසලතා මෙන්ම නායකත්ව කුසලතා, කණ්ඩායම් ක්‍රියාකාරකම් ඉහළ නැංවීම, සාමූහික ක්‍රියාකාරකම්වල නිරත වීම මෙන්ම ඔවුන්ගේ නිර්මාණාත්මක කුසලතා ඉහළ නැංවීමේ අරමුණින් ‘HR Impelz’24’ ක්‍රීඩා දිනය සංවිධාන කර තිබුණි. මේ අධ්‍යයන අංශයේ ප්‍රථම වසර, දෙවන වසර, තෙවන වසර සහ සිව්වන වසර විද්‍යාර්ථීන් මේ වැඩසටහනට සහභාගී වූ අතර, ප්‍රධාන කණ්ඩායම් හතරක් ඔස්සේ ඔවුන්ගේ ක්‍රීඩා කෞශල්‍ය විදහා දැක්වීමට ඔවුන්ට අවස්ථාව හිමිවිය.
