ස්විට්සර්ලන්තයේ රිය අනතුරකින් යාපනයේ තරුණයෙක් මරුට

යාපනයේ පදිංචි 27 හැවිරිදි තරුණයෙකු ස්විට්සර්ලන්තයේදී සිදු වූ රිය අනතුරකින් පෙරේදා (20) අලුයම මිය ගොස් තිබේ.

එස්.කේ. සවන් නමැති මෙම තරුණයා රැකියාවක් සඳහා ස්විට්සර්ලන්තයට ගොස් සිටිය දී රැකියාව නිමාකොට ඔහුගේ නේවාසිකාගාරය වෙත පැමිණෙමින් සිටිය දී එම මාර්ගයේ ගමන් කළ ට්‍රක් රථ දෙකක් තවත් වාහනයක ගැටීමෙන් සිදු වූ අනතුරට යාපනයේ තරුණයා මැදි වීමෙන් ඔහු සිද්ධිය වූ ස්ථානයේදීම මියගොස් තිබේ.

යාපනයේ, උරුම්පිරායි ප්‍රදේශයේ පදිංචි මොහු මීට වසරකට පමණ පෙර ස්විට්සර්ලන්තයට ගොස් ඇති අතර එහි වලයිස් (Valais) ප්‍රදේශයේ දී මෙම අනතුරට ලක්ව තිබේ.

වලයිස් (Valais) ප්‍රාන්ත පොලීසිය සිද්ධිය සම්බන්ධයෙන් පරීක්ෂණ ආරම්හ කොට තිබේ.