බලපත්‍ර රහිතව රුපියල් හය ලක්ෂ අනූ හත් දහස් නවසිය හැත්තෑ තුනක් වටින විවිධ වර්ගයේ දැව කඳන් එකසිය දොළහක් ලොරියකින් ප්‍රවාහනය කළ බවට වරද පිළිගත් විත්තිකාර රියැදුරකුට අත්තනගල්ල අංක 02 මහේස්ත්‍රාත් මංජුල කරුණාරත්න මහතා පෙරේදා (19) පස්වරුවේ රුපියල් විසි පන් දහසක දඩයක් නියම කර දැව තොගය රාජසන්තක කිරීමට නියෝග කළේය.
සුගත් මධුශංක නමැත්තෙකුට එසේ දඩ නියම කෙරිණි.
මහෝගනී, කොස්, හල්මිල්ල, තේක්ක, නැඳුන් හා ගිනිසපු යන වර්ගවලට අයත් දැව කඳන් එකසිය දොළහක් ලොරියකින් රැගෙන යමින් සිටියදී අත්තනගල්ල පොලීසිය විත්තිකාර රියැදුරා අත්අඩංගුවට ගෙන තිබිණ.
ලොරිය රුපියල් ලක්ෂ දහයක ඇප බැඳුම්කරයක් මත එහි ලියාපදිංචි හිමිකරුට මුදා හැරීමට නියෝග ෙකරිණි. ලොරිය රාජසන්තක නොකිරීමට හේතු දැක්වීමේ පරීක්ෂණ විභාගය 2025.04.29 වැනිදාට කල් තැබිණ.
අත්තනගල්ල පොලීසියේ පොලිස් කොස්තාපල් ආර්.ඩබ්ලිව්.වී.ටී.එච්.ඇම්. රාජපක්ෂ (12015) මහතා පැමිණිල්ල මෙහෙයවිය.
