කළුතර දිස්ත්‍රික්කයේ ඉත්තපාන – සඳපාන වත්ත පාරේ තැනින් තැන වළවල් හෑරී දැඩි ලෙස අබලන් තත්ත්වයකට පත්ව තිබීම පිළිබඳව බලධාරීන්ට කාලයක් තිස්සේ පෙන්වා දුන්න ද ඔවුන් ඒ ගැන උනන්දුවක් නොදැක්වීම නිසා, මේ වනවිට බලවත් ගමනාගමන දුෂ්කරතාවන් රැසකට මුහුණපෑමට සිදු වී ඇතැයි ප්‍රදේශවාසීහු පවසති.
නිවාස 100කට අධික ප්‍රමාණයක ජීවත්වෙන ජනතාවට මෙන්ම අවිත්තාව ප්‍රධාන මාවතේ සිට දක්ෂිණ ලංකා අධිවේගී මාර්ගයේ වැලිපැන්න පිවිසුම් දොරටුව වෙත ළඟා විය හැකි කෙටිම පාර මෙය වන බැවින්, මෙම අබලන් මාර්ගය අලුත්වැඩියා කිරීම කඩිනමින් සිදු කිරීමට අවශ්‍ය වී ඇතැයි ඔවුහු පවසා සිටිති.
එබැවින් ඒ සඳහා තාවකාලික පියවරක් ලෙස එහි යාබද පදිංචිකරුවන්ගේ වියදමින් ලබා ගත් කළුගල්වලින් මෙම අබලන් මාර්ගයේ ඇති ලොකු වළවල් සහිත ස්ථාන පුරවමින් ප්‍රදේශවාසීන් ඒ සඳහා කෙටි පිළියම් යොදන අයුරු ඡායාරූපයෙන් දැක්වේ.
