මුඛය ප්‍රදේශයට වෙඩි වැදීමෙන්, අනතුරට ලක්ව අසාධ්‍ය තත්ත්වයෙන් ගල්ගමුව ප්‍රදේශයේ රැඳී සිටින ඇත් පැටියාට ප්‍රතිකාර ලබා දීම ආරම්භ කළ බව නිකවැරටිය වනජීවි පශු වෛද්‍ය ඒකකය සඳහන් කරයි.
මහව සහ ගල්ගමුව ප්‍රදේශයන්හි සැරිසරමින් සිටි වයස අවුරුදු හයක පමණ වූ දිගු දළ සහිත මෙම ඇත් පැටියා මිනිස් ක්‍රියාකාරකමක් හේතුවෙන් මෙලෙස ඉතා අවාසනාවන්ත ලෙස අනතුරට ලක්ව ගල්ගමුව ප්‍රදේශයේ රැඳී සිටින බව ද, නිකවැරටිය වනජීවී පශු වෛද්‍ය ඒකකය සඳහන් කරයි.
වෙඩි වැදීමෙන් ඇත් පැටියාගේ මුඛයේ, යටි හනුවට හානි සිදුව, මුඛයේ තුවාල රැසක්ද තිබීම හේකුවෙන්, ආහාර ගැනීමට නොහැකිව අසරණව සිටින බව ද නිකවැරටිය වනජීවී පශු වෛද්‍ය ඒකකය සඳහන් කළේය. නිකවැරටිය වනජීවී පශු වෛද්‍ය ඒකකය භාර, වනජීවී පශු වෛද්‍ය නිලධාරි ඉසුරු හේවාකෝට්ටගේ මහතාගේ මූලිකත්වයෙන්, වනජීවී නියාමක සමන් ප්‍රේමචන්ද්‍ර මහතා ඇතුළු නිලධාරින් කණ්ඩායමක් විසින් ගල්ගමුව වනජීවි නිලධාරීන්ගේ ද සහාය ඇතිව, අනතුරට ලක්වූ ඇත් පැටියාට ප්‍රතිකාර ලබා දීම සිදු කෙරේ.
