61
යාපනය හා චෙන්නායි අතර ගුවන් සේවා කටයුතු ඊයේ (20) සිට එක් ගුවන්යානයකට පමණක් සීමා වන බව නිවේදනය කොට තිබේ.
යාපනය හා චෙන්නායි අතර මේ දක්වා ගුවන් සමාගම් තුනකට අයත් යානා පියාසර කළ නමුත් මින් ඉදිරියට එක් ගුවන් සමාගමකට පමණක් අයත් එක් යානයක් පමණක් මේ සේවාව සඳහා යොදවා තිබේ.
අනෙක් ගුවන් සමාගම් දෙක ඔවුන්ගේ ගුවන් ගමන් නවතා දැමීමට හේතුව මෙතෙක් දැනුම් දී නොමැත.
කෙසේ වෙතත් අයහපත් කාලගුණික තත්ත්වය නිසා මේ වන විට කන්කසන්තුරේ හා ඉන්දියාවේ නාගපට්නම් අතර මගී නැව් සේවය ද නවතා දමා තිබේ.
ඉන්දියාව හා යාපනය අතර නැව් සේවාව නතරවීමත් ගුවන්යානා එකකට පමණක් ගුවන් ගමන් සීමා වීමත් නිසා උතුරේ මගීහු දැඩි අපහසුතාවකට පත්ව සිටිති.
