22
ප්‍රවාහනයට සපුරා තහනම් කොට ඇති සිප්පි කටු තොගයක් පෙරේදා (19) ප්‍රවාහනය කළ රියැදුරකු හා කන්ටේනර් රථය අත්අඩංගුවට ගෙන අධිකරණය හමුවට පැමිණ වීමෙන් පසු රියැදුරුව ලබන 11 වැනිදා දක්වා රක්ෂිත බන්ධනාගාර ගත කිරීමට මොරවැව සංචාරක මහේස්ත්‍රාත්වරයා නියෝග කළේය.
මෙසේ බන්ධනාගාරගත කරන ලද්දේ, මුලතිව් ප්‍රදේශයේ පදිංචි 46 හැවිරිදි පුද්ගලයෙකි. අපරාධ අංශයට ලද තොරතුරක් මත ක්ෂණික මාර්ග බාධක යොදා පරීක්ෂා කිරීමේදී මෙම සිප්පි කටු තොගය සහිත කන්ටේනර් රථය අත්අඩංගුවට ගෙන ඇත.
සිද්ධිය සම්බන්ධයෙන් මොරවැව පොලිස් ස්ථානාධිපති ප්‍රධාන පොලිස් පරීක්ෂක ඩී.සී.කේ. නාකන්දල මහතාගේ උපදෙස් මත අපරාධ අංශ නිලධාරීහු ඉදිරි විමර්ශන සිදු කරති.
