වර්තමානයේ ලොව පවතින ප්‍රබල බලශක්ති අර්බුදය හමුවේ බලශක්ති කාර්යක්ෂමතාවය හා විකල්ප බලශක්ති භාවිතය පිළිබඳව පෝතක බාලදක්ෂයින් දැනුම්වත් කිරීමේ වැඩමුළුවක් මහනුවර වාරියපොළ සුමංගල විදුහල් ශ්‍රවණාගාරයේ දී පැවත්විණි.
විදුලිබල හා බලශක්ති, නිවාස සහ ඉදිකිරීම් අමාත්‍යාංශය මඟින් මධ්‍යම පළාත තුළ බලශක්ති සංරක්ෂණය හා විකල්ප බලශක්ති භාවිතය සම්බන්ධව දැනුම්වත් කිරීමේ වැඩසටහන් මාලාවක් ක්‍රියාත්මක කර ඇති අතර එහි එක් පියවරක් වශයෙන් මෙම වැඩමුළුව පවත්වනු ලැබීය. මධ්‍යම පළාත් මාර්ග සංවර්ධන, ප්‍රවාහන, විදුලිබල හා බලශක්ති සහ නිවාස හා ඉදිකිරීම් අමාත්‍යාංශයේ ලේකම් මදුපානි පියසේන මහත්මියගේ මඟපෙන්වීමෙන් හා නියෝජ්‍ය අධ්‍යක්ෂ (ක්‍රමසම්පාදන) එරන්දි කුමාරගේ මහත්මියගේ මෙහෙයවීමෙන් මෙම වැඩමුළුව පැවත්විණි.
සුමංගල විද්‍යාලයේ විදුහල්පති දේශප්‍රිය රත්නායක මහතාගේ ඉල්ලීමකට අනුව මෙම දැනුම්වත් කිරීමේ වැඩමුළුව පවත්වනු ලැබූ අතර විදුලි බල හා බලශක්ති අමාත්‍යාංශයේ රත්නමාලා ගුණරත්න හා ආශා තිලකරත්න යන මහත්මීහු මේ සඳහා සම්පත් දායකත්වය සැපයූහ.
