යුක්රේනයේ කීෆ් අගනුවරට ගුවන් ප්‍රහාරයක් එල්ල වීම සම්බන්ධව සැලකිය යුතු ආකාරයේ තොරතුරු ලැබී ඇති බැවින් එහි අමෙරිකානු තානාපති කාර්යාලය වසා දැමීමට පියවර ගෙන ඇතැයි විදෙස් මාධ්‍ය වාර්තා කළේය. ඒ සමඟම කීෆ් නුවර පිහිටි ස්පාඤ්ඤ සහ ග්‍රීක තානාපති කාර්යාල ද වසා දැමීමට තීරණය වී ඇතැයි විදෙස් මාධ්‍ය වැඩිදුරටත් වාර්තා කළේය.
යුක්රේනයේ අමෙරිකානු තානාපති කාර්යාලයට ලැබුණු බුද්ධි තොරතුරු මත මේ පියවර ගෙන ඇති අතර, එම අනතුරු ඇඟවීමත් සමඟ කීෆ් අගනුවර අමෙරිකානු තානාපති කාර්යාලයේ කාර්ය මණ්ඩලයට සිය නවාතැන්වල ආරක්ෂාකාරීව සිටින ලෙසට උපදෙස් ලබා දී ඇති අතර, ගුවන් ප්‍රහාරයක අනතුරු ඇඟවීමක් නිකුත්වීමකදී වහාම ආරක්ෂක උපදෙස් පිළිපදින ලෙස යුක්රේනයේ සිටින අමෙරිකානු පුරවැසියන්ගෙන් ද එරට තානාපති කාර්යාලය ඉල්ලීමක් කර ඇතැයි වාර්තා වේ.
